Maharashtra Weather : हवामानात उलटफेर, येत्या काहीच तासांत मान्सून धुमाकूळ घालणार; पण..

हे ही वाचा : मोठी बातमी! अखेर ठरलं, ओमराजेंचा शिवसेनेत प्रवेश निश्चित

कोकण 

कोकण विभागात मोठा बदल जाणवण्याची शक्यता आहे. मुंबईसह काही ठिकाणी रविवारी पावसाने जोडपलं होतं, आता पुढाली काही दिवस मुंबईसह पालघर, ठाणे, रायगड, रत्नागिरी आणि सिंधुदुर्ग जिल्ह्यांत वादळी वाऱ्यांसह तुरळक पाऊस होणार असल्याची शक्यता आहे. या सर्व जिल्ह्यांना पावसाचा यलो अलर्ट वर्तवण्यात आला आहे. 

पश्चिम महाराष्ट्र 

पश्चिम महाराष्ट्रातील पुणे आणि पुणे घाटमाथा परिसरात पावसाला सुरूवात झाली आहे. तसेच रविवारी मान्सूनपूर्व पावसाने पुण्यात दमदार हजेरी लावली. येत्या काहीच तासांत संपूर्ण पश्चिम महाराष्ट्राला मान्सून झोडपणार असून यलो अलर्टचा अंदाज वर्तवला आहे. पुणे, कोल्हापूर, सांगली, सातारा आणि सोलापूर या जिल्ह्यांत वादळी पावसाचा यलो अलर्टचा अंदाज वर्तवण्यात आला आहे. 

उत्तर महाराष्ट्र 

उत्तर महाराष्ट्रातील धुळे, नंदुरबार, जळगाव, नाशिक आणि अहिल्यानगर या जिल्ह्यांत हलका ते मध्यम प्रमाणात पावसाचा अंदाज वर्तवण्यात आला. अशातच वातावरणात 25 जून पासून मान्सून सक्रिय होणार असल्याची शक्यता अधिक आहे. 

मराठवाडा 

मराठवाडा विभागातील बीड, लातूर आणि धाराशिव या जिल्ह्यांत हलक्या ते मध्यम स्वरुपाच्या पावसासह वादळी वाऱ्यांचा अंदाज आहे. याच जिल्ह्यांना पावसाचा यलो अलर्ट वर्तवण्यात आला. जालना, परभणी, हिंगोली आणि नांदेड जिल्ह्यांमध्ये हलक्या पावसाची शक्यता वर्तवण्यात आली आहे. 

हे ही वाचा : ओमराजेंकडून एकनाथ शिंदेचं कौतुक, राणा पाटलांबाबतही भूमिका मांडली

विदर्भ 

विदर्भात उष्णतेची कायम तीव्रता असून अकोला, अमरावती, चंद्रपूर, गोंदिया, नागपूर आणि यवतमाळ या जिल्ह्यांसाठी हिट व्हेवचा ऑरेंज अलर्ट वर्तवला आहे. तसलेच वर्धा, गडचिरोली आणि भंडारा जिल्ह्यांना यलो अलर्टचा अंदाज वर्तवण्यात आला आहे.