हे ही वाचा : आलिशान फार्महाऊस, शिर्डीतही जमीन जुमला, ओझर विमानतळाजवळही मालमत्ता; बलात्कारी बाबाची अब्जावधींची संपत्ती

दोन कोटी रुपयांच्या दागिन्यांचा लिलाव

या लिलावात एकूण 234 प्रकारचे मौल्यवान अलंकार ठेवण्यात आले होते, ज्यांची अंदाजे किंमत तब्बल 2 कोटी रुपये इतकी आहे. यामध्ये सुवर्ण नाणी, आकर्षक साखळ्या, नक्षीदार लॉकेट्स, ब्रेसलेट्स, चांदीच्या पादुका आणि बाप्पाचे लाडके वाहन असलेल्या 'उंदीर'याचाही समावेश होता. लिलावात सहभागी झालेल्या प्रत्येक भक्ताच्या चेहऱ्यावर एक वेगळाच आनंद आणि उत्साह ओसंडून वाहात होता.

दागिने घरात येणे म्हणजे सुख-समृद्धी

भक्तांसाठी हे केवळ दागिने नसून बाप्पाचा साक्षात आशीर्वाद आहेत. हे दागिने घराच्या तिजोरीत असणे म्हणजे घरात सुख-समृद्धी येणे' अशी भक्तांची गाढ श्रद्धा आहे. गुढीपाडव्याच्या मुहूर्तावर एखादी वस्तू खरेदी करणे शुभ मानले जाते, त्यातही ती वस्तू जर सिद्धिविनायकाच्या चरणस्पर्श झालेली असेल, तर तिचा आनंद द्विगुणित होतो.

हे ही वाचा : Personal Finance: क्रेडिट कार्ड हरवल्यावर झटपट करा ही 7 कामं, नाहीतर होईल प्रचंड नुकसान

निधीचा सामाजिक कार्यांसाठी वापर

सिद्धिविनायक मंदिर ट्रस्टच्या वतीने दरवर्षी हा स्तुत्य उपक्रम राबविला जातो. विशेष म्हणजे, या लिलावातून जमा होणारा कोट्यवधींचा निधी हा शिक्षण, आरोग्य आणि विविध सामाजिक कार्यांसाठी वापरला जातो. अशा प्रकारे, भाविकांची ही 'भक्ती' गरजूंच्या आयुष्यात 'शक्ती' बनून उभी ठाकते. श्रद्धेतून समाजसेवेचा हा अनोखा आदर्श पुन्हा एकदा या निमित्ताने साऱ्या जगासमोर आला आहे.