हे ही वाचा : मुलुंड हादरलं! बायकोला चक्क ट्रेनसमोर दिलं ढकलून अन् नवऱ्याने...

घरी गेली अन् नराधमाने केला अत्याचार

ही हृदयद्रावक घटना सोमवार, 16 मार्च रोजी सायंकाळी 6 वाजण्याच्या सुमारास पेठ बीड पोलीस ठाण्याच्या हद्दीत घडली. मिळालेल्या माहितीनुसार, पीडित मुलगी तिच्या शेजारी राहणाऱ्या 16 वर्षीय मुलाच्या घरी गेली होती, तिथे आरोपीने तिच्यावर कथितरित्या अत्याचार केला. या घटनेनंतर घाबरलेल्या चिमुरडीने घरी परतल्यावर आपल्या आईला घडलेला प्रकार सांगितला. त्यानंतर मंगळवारी (17 मार्च) सकाळी पीडित मुलीच्या पालकांनी पेठ बीड पोलीस ठाणे गाठून तक्रार दाखल केली.

पॉक्सोअंतर्गत गुन्हा दाखल

तक्रार मिळताच पेठ बीड पोलिसांनी तत्परता दाखवत आरोपी मुलाला ताब्यात घेतले आहे. पोलिसांनी दिलेल्या माहितीनुसार, पीडित मुलीला वैद्यकीय तपासणीसाठी शासकीय रुग्णालयात पाठवण्यात आले आहे. आरोपीविरुद्ध संबंधित कलमान्वये आणि पॉक्सो (POCSO) कायद्यांतर्गत गुन्हा दाखल करून पुढील तपास सुरू करण्यात आला आहे.

हे ही वाचा : 'शारीरिक संबंध सहमतीने ठेवलेले...', Army ऑफिसरबाबत कोर्टाचा अत्यंत मोठा निर्णय

बीडमध्ये गुन्हेगारीचा वाढता आलेख

बीड जिल्ह्यात गेल्या काही दिवसांपासून गुन्हेगारीचा आलेख झपाट्याने वाढला आहे. अवघ्या दोन दिवसांपूर्वीच बीड तालुक्यात एका महिलेला घरातून उचलून नेऊन तिला बांधून छळ केल्याचा व्हिडिओ व्हायरल झाला होता. त्या घटनेची आग अजून शांत झालेली नसतानाच, या चिमुरडीसोबत झालेल्या अमानुष कृत्याने संपूर्ण शहर हादरून गेले आहे. स्थानिक नागरिकांमध्ये तीव्र संताप असून आरोपीवर कठोर कारवाई करण्याची मागणी केली जात आहे.