पुण्यातील स्पा सेंटरवर कारवाई... फडणवीस सरकार आता आणणार स्पा सेंटरसाठी नवे नियम

स्पा सेंटरसाठी नेमके कोणते नवे नियम आणणार सरकार?

याच लक्षवेधीला उत्तर देताना राज्यमंत्री योगेश कदम म्हणाले, “पुण्यातील विमाननगर येथील स्पा सेंटरवर डमी ग्राहकाच्या (decoy customer) माध्यमातून पोलिसांनी कारवाई केली. या कारवाईत काही परदेशी महिलाही आढळल्या. अशा स्पा सेंटरच्या माध्यमातून मानवी तस्करी आणि बेकायदेशीर वेश्याव्यवसाय चालवला जात असल्याचे प्रकार राज्यातील विविध शहरांमध्ये वाढत आहेत. या पार्श्वभूमीवर गृह विभागाकडून स्पा सेंटरसाठी नवीन नियमावली तयार केली जात आहे.”

हे ही वाचा>> मामीसोबत अनैतिक संबंध... बहिणीसोबत लग्न आणि सासू-मेव्हण्याची हत्या, पार चक्रावून टाकणारी कहाणी

नव्या नियमावलीत स्पा सेंटर सुरू करण्यासाठी गृह विभागाची पूर्व अनुमती (NOC)बंधनकारक करण्यात येणार आहे. तसेच कर्मचाऱ्यांची संपूर्ण पार्श्वभूमी तपासणी, कडक निकष आणि नियमांचे पालन सुनिश्चित करण्यासाठी विशेष तरतुदी केल्या जाणार आहेत. विशेषतः महिलांना आणणाऱ्या एजंट्स आणि दलालांवर थेट कारवाई करून मानवी तस्करीचे रॅकेट पूर्णपणे मोडीत काढण्यावर भर देण्यात येईल, असे राज्यमंत्री कदम यांनी स्पष्ट केले. या चर्चेत विधान परिषद सदस्य चित्रा वाघ यांनीही सहभाग घेतला. 

पुणे, मुंबई, नाशिक, नागपूर आणि पिंपरी-चिंचवडसारख्या शहरांमध्ये स्पा सेंटरच्या नावाखाली बेकायदेशीर व्यवसाय वाढत आहेत. ऑनलाइन माध्यमांद्वारेही हे रॅकेट चालवले जात असल्याने कठोर उपाययोजना आवश्यक आहेत.

हे ही वाचा>> पत्नी गर्लफ्रेंडसोबत 'ती' गोष्ट नव्हती देत करू, पतीने सगळ्यांनाच टाकलं हादरवून...

पुणे पोलिसांनी गेल्या काही महिन्यांत अशा अनेक स्पा सेंटरवर कारवाया केल्या आहेत. विमाननगरातील ‘द रुट्स स्पा’सारख्या ठिकाणी छाप्यात महिलांनी खिडकीतून उडी मारल्याने एक महिलेचा मृत्यू झाला होता, तर मॅनेजर जखमी झाला होता. अशा घटनांमुळे मानवी तस्करी आणि जबरदस्तीने वेश्या व्यवसायात ढकलण्याचे प्रकार गंभीर असल्याचे दिसून आले आहे. पोलिसांनी अनेक ठिकाणी परदेशी महिलांची सुटका केली असून, Immoral Traffic (Prevention) Act अंतर्गत गुन्हे दाखल केले आहेत.

राज्यमंत्री योगेश कदम यांनी पोलिसांच्या तत्परतेचे कौतुक करताना सांगितले की, अशा कारवायांमुळे स्पा माफियांचे धाबे दणाणले आहेत. नव्या नियमावलीमुळे अशा घटनांना आळा बसण्यास मदत होईल आणि महिलांच्या सुरक्षेसाठी प्रभावी पावले उचलली जातील.

हे प्रकरण राज्यातील महिलांच्या सुरक्षेच्या दृष्टीने महत्त्वाचे असून, शासनाच्या या निर्णयामुळे स्पा सेंटरच्या आडून चालणाऱ्या अवैध व्यवसायांना चाप बसण्याची अपेक्षा व्यक्त केली जात आहे.