आर्थिक गैरव्यवहार आणि कर्तव्यात कसूर

ऑनलाइन सट्टा व्यवसायाशी संबंधित एका गुन्ह्यात आरोपीकडून कोट्यवधी रुपयांची आर्थिक देवाणघेवाण झाल्याचा संशय आल्याने ही चौकशी सुरू करण्यात आली होती. वरिष्ठ पोलीस अधिकाऱ्यांच्या नेतृत्वाखालील तपासणीत काही अधिकारी आणि कर्मचाऱ्यांची भूमिका अत्यंत संशयास्पद असल्याचे निष्पन्न झाले. चौकशीदरम्यान संबंधितांचे जबाब नोंदवण्यात आले आणि तपासाचा प्राथमिक अहवाल पोलीस आयुक्तांना सादर करण्यात आला. या अहवालात आर्थिक गैरव्यवहार आणि कर्तव्यातील कसूर यांसारखे गंभीर मुद्दे समोर आल्याने ही मोठी कारवाई करण्यात आली आहे.

हे ही वाचा : एक कुटुंब, तीन आमदार, तीन पक्ष..'या' कुटुंबाला लागला जॅकपॉट

पोलिसांचे गुन्हेगारांशी साटेलोटे

विशेष म्हणजे, या सायबर पोलीस ठाण्यामध्ये गेल्या काही दिवसांपासून अंतर्गत वाद आणि तणावाचे वातावरण होते. काही दिवसांपूर्वीच एका अधिकाऱ्याने कर्मचाऱ्याला मारहाण केल्याची घटना घडली होती, ज्यावरून पोलीस ठाण्यातील विसंवाद चव्हाट्यावर आला होता. या अंतर्गत कलहाची दखल घेऊन वरिष्ठ स्तरावर सखोल चौकशीचे आदेश देण्यात आले होते. या चौकशीत केवळ अंतर्गत वादाचेच पदर उलगडले नाहीत, तर ऑनलाइन फसवणुकीच्या प्रकरणात पोलीस कर्मचाऱ्यांचे गुन्हेगारांशी असलेले साटलोटे देखील समोर आले.

हे ही वाचा : अकोला : आई-वडील मजूरीला गेले अन् घडलं भयानक, 60 वर्षीय शेजाऱ्याने केला अल्पवयीन मुलीवर बलात्कार

निलंबनाच्या वृत्ताला दुजोरा

नागपूर पोलीस दलातील या कारवाईमुळे पोलीस वर्तुळात प्रचंड खळबळ माजली असून, भ्रष्टाचार करणाऱ्या आणि गुन्हेगारांना साथ देणाऱ्या कर्मचाऱ्यांची गय केली जाणार नाही, असा स्पष्ट संकेत यातून देण्यात आला आहे. वरिष्ठ अधिकाऱ्यांनी या निलंबनाच्या वृत्ताला दुजोरा दिला असून, या प्रकरणाची पुढील चौकशी अधिक तीव्र केली जाणार आहे. ऑनलाइन गुन्हे रोखण्याची जबाबदारी असलेल्या सायबर ठाण्यातच अशा प्रकारचा गैरव्यवहार घडल्याने पोलीस प्रशासनाच्या प्रतिमेवर प्रश्नचिन्ह उपस्थित केले जात आहे.