'माझ्यासाठी तो धर्म..' नांदेड हत्या प्रकरणात सक्षमच्या वाढदिवशी प्रेयसी आंचलकडून धक्कादायक खुलासे, पोलिसांचंही कनेक्शन सांगितलं

हे ही वाचा : काँग्रेसच्या प्रचारासाठी नृत्यांगणा गौतमी पाटीलचा रोड शो, Videoची होतेय चर्चा

नांदेडमध्ये सक्षम ताटेची हत्या  

दरम्यान, या प्रकरणातील आरोपी वडील गजानन मामिलवाड़, भाऊ सोहेल मामिलवाड़, भाऊ हिमेश मामिलवाड़ आरोपींनी गोळीबार केला.  तसेच आणखी एका आरोपीने तरुणाच्या डोक्यावर कुऱ्हाडीने हल्ला करत संपवलं. या घटनेच्या दुसऱ्याच दिवशी तरुणीने मृतदेहासोबत विवाह केला आणि त्या मृतदेहाला हळद लावली. मृताच्या कुटुंबाने आरोपींना फाशीची शिक्षा देण्याची मागणी केली आहे. या भयंकर घटनेनं राज्य हादरून गेलं आहे. 

सक्षमचं स्वप्न मी पूर्ण करणार - आंचल मामिवाडा

दरम्यान, आंचल मामिलवाडचे गेल्या तीन वर्षांपासून सक्षम ताटेसोबत प्रेमसंबंध होते. तो सारखा तिच्या घरी यायचा, तरुणी ही बीएससीच्या पहिल्या वर्गात शिक्षण घेत होती. सक्षमचे देखील अधिकारी होण्याचे स्वप्न होते. तो तिला अभ्यासात मदत करायचा. तो नेहमीच म्हणायचा, 'जर तू माझ्याकडे लक्ष दिलेस तर मी तुला कधीच सोडून जाणार नाही, आता तो गेला आहे आता त्याचं स्वप्न मी पूर्ण करणार', असं आंचल मामिवाडा म्हणाली. 

'तो माझ्यासाठी हिंदू धर्म स्वीकारणार होता' 

पुढे बोलताना आचल म्हणाली की, 'तो माझ्या वडिलांचा नेहमी आदर करायचा. त्याने माझ्याशी विवाह करण्याचे आश्वासन दिले होते, तो सर्वांना विश्वासात घेऊनच विवाह करणार होता. परंतु आमच्या प्रेमाबाबत कळाल्यानंतर, माझ्या कुटुंबाने मला मारहाण केली आणि लग्नासाठी विरोध दर्शवला होता'. एवढंच नाहीतर आंचलने एक धक्कादायक खुलासा केला की, 'तो माझ्यासाठी हिंदू धर्म स्वीकारणार होता'. 

सक्षमचा आज 1 डिसेंबर रोजी वाढदिवस 

अशातच सक्षमचा आज 1 डिसेंबर रोजी वाढदिवस आहे. याच दिवशी आंचलच्या डोळ्यात अश्रूंचा बांध फुटला असून त्याच्या आईचे डोळे देखील पाणावले होते. आंचल म्हणाली की तो इथे नाही पण त्याच्या आठवणी माझ्या हृदयात आहेत, असं ती म्हणाली होती. 

हे ही वाचा : अनगर निवडणुकीला स्थगिती पण राजन पाटलांना खरंच धक्का? खरं कारण हे आहे...

दरम्यान, या प्रकरणात पोलिसांचा सहभाग असल्याचा गंभीर आरोप आंचलने केला आहे. या प्रकरणात पोलिसांनी आरोपींना ताब्यात घेताच त्यांना तीन दिवसांची पोलीस कोठडी सुनावली.  पोलिस उपविभागीय प्रशांत शिंदे या प्रकरणाचा तपास करत आहेत.