Govt Job: भारताच्या हवामान विभागात मिळवा नोकरी! तगडा पगार अन्... कधीपासून कराल अप्लाय?

या भरतीसाठी उमेदवारांकडून केवळ ऑनलाइन पद्धतीने भरलेले अर्ज स्विकारले जातील. या भरतीमध्ये सहभागी होण्यासाठी उमेदवारांना mausam.imd.gov.in या अधिकृत वेबसाइटवर जाऊन अर्ज करावा लागेल. 

काय आहे पात्रता? 

भारतीय हवामान विभागाच्या या भरतीमध्ये पदानुसार, वेगवेगळी शैक्षणिक पात्रता निश्चित करण्यात आली असून, त्यानुसार उमेदवार या भरतीमध्ये सहभागी होऊ शकतील. यातील बऱ्याच पदांसाठी उमेदवारांनी M.Sc उत्तीर्ण असणं आवश्यक आहे. तर काही पदांवर नियुक्त होण्यासाठी B.Tech सह डॉक्टरेट पदवी असणं अनिवार्य आहे. तसेच, यातील काही पदांसाठी उमेदवारांची निवड करताना M.Tech डिग्रीला प्राधान्य दिलं जाईल. उमेदवार यासंबंधीचं विस्तृत नोटिफिकेशन  अधिकृत वेबसाइटवर तपासू शकतात. 

हे ही वाचा: आधी फसवून दारू पाजली अन्... महिला होमगार्डवर 4 जणांकडून सामूहिक लैंगिक अत्याचार!

याशिवाय विज्ञान, कंप्यूटर, आयटी, इलेक्ट्रॉनिक्स आणि टेलिकॉम सारख्या टेक्निकल विषयात बॅचलर्स डिग्री असणारे उमेदवार सुद्धा या भरतीसाठी अर्ज करू शकतात. तसेच, काही पदांसाठी बॅचलर्स (पदवी) डिग्रीसह उत्तम संगणकीय कौशल्य असणं अनिवार्य आहे. हवामान विभागाच्या काही प्रोजेक्ट पदांसाठी कार्याचा अनुभव असणं देखील महत्त्वाचं असल्याचं विभागाने स्पष्ट केलं. 

वयोमर्यादा 

विभागाने उमेदवारांच्या नियुक्तीसाठी वेगवेगळी वयोमर्यादा निश्चित केली आहे. या भरतीमध्ये सहभागी होण्यासाठी कमाल वयोमर्यादा 30, 35, 40, 45 आणि 50 वर्षे आहे. तसेच, राखीव प्रवर्गातील उमेदवारांना सरकारी नियमांनुसार उच्च वयोमर्यादेत सूट देण्यात येणार आहे. 

हे ही वाचा: मोठी बातमी : उपमुख्यमंत्री अजित पवारांच्या निवासस्थानासमोर अघोरी पूजा, बारामतीत भानामतीचा धक्कादायक प्रकार

किती मिळेल वेतन? 

भारतीय हवामानशास्त्र विभागाने प्रोजेक्ट साइंटिस्ट–E पदावर नियुक्त झालेल्या उमेदवाराला दरमहा 1,23,100 रुपये आणि एचआरए मिळेल. तसेच, प्रोजेक्ट साइंटिस्ट–III पदासाठी 78,000 रुपये, प्रोजेक्ट साइंटिस्ट–II साठी दरमहा 67,000 रुपये आणि प्रोजेक्ट साइंटिस्ट–I पदावर नियुक्त झालेल्या उमेदवारांना दरमहा 56,000 आणि एचआरए मिळेल. वैज्ञानिक किंवा प्रशासकीय सहाय्यक पदांसाठी निवडलेल्या उमेदवारांना दरमहा 29,200 रुपये आणि एचआरए मिळेल.