दोन कोटींची मागणी, 46 लाख स्विकारताना रंगेहात पकडलं, 'लाचसम्राट' पोलीस उपनिरीक्षक बडतर्फ

जानेवारी 2025 मध्ये चिंतामणी यांची पिंपरी-चिंचवड गुन्हे शाखेच्या आर्थिक गुन्हे विभागात (EOW) नियुक्ती झाली होती. विभागाकडे चार कोटी रुपयांच्या फसवणुकीचा एक महत्त्वाचा गुन्हा तपासासाठी प्रलंबित होता. या प्रकरणातील एका संशयिताला मदत करण्याच्या मोबदल्यात उपनिरीक्षक चिंतामणी यांनी त्या आरोपीच्या वकिलाकडे थेट दोन कोटी रुपयांची लाच मागितली असा गंभीर आरोप आहे.

हेही वाचा : सप्तशृंगी गडावर निघालेल्या भाविकांवर काळाचा घाला, 800 फूट खोल दरीत कार कोसळली, 6 जणांचा दुर्दैवी अंत

तक्रारदाराने ही बाब लाचलुचपत प्रतिबंधक विभागाला कळवली. त्यानंतर सापळा रचून कारवाई करण्यात आली आणि चिंतामणी यांना मागणी केलेल्या रकमेपैकी 46 लाख 50 हजार रुपये स्वीकारताना रंगेहाथ पकडण्यात आले. या घटनेनंतर पोलिस दलातील अंतर्गत चौकशी सुरू झाली. पदाचा गैरवापर, गैरकृत्ये आणि सरकारी सेवकाकडून अपेक्षित प्रामाणिकतेचा भंग झाल्याचे दिसून आल्यानंतर त्यांना तात्काळ सेवेतून बडतर्फ करण्याचा निर्णय घेण्यात आला.

पोलिस आयुक्त चौबे यांनी आदेशात नमूद केले आहे की, “जनतेचा विश्वास ढळेल असे वर्तन करणाऱ्याला पोलिस दलात स्थान नाही. भ्रष्टाचाराबाबत शून्य सहनशीलतेची भूमिका कायम राहील.” या कारवाईमुळे शहरात मोठी खळबळ उडाली असून लाचलुचपत विभाग आता या प्रकरणात आणखी कोणाचा संबंध आहे का? याचा तपास करत आहे. पुढील काही दिवसांत आणखी माहिती समोर येण्याची शक्यता आहे.

इतर महत्त्वाच्या बातम्या 

जय पवारांच्या लग्नाला सुप्रिया सुळेंची दांडी, भाजप खासदाराच्या लेकीच्या लग्नात कंगनासोबत थिरकल्या, Video व्हायरल