पुणे : जुन्नरमध्ये तीन कुत्र्यांनी मिळून बिबट्याला पिटाळून लावलं; पाहा व्हिडीओ

अधिकची माहिती अशी की, गुंजाळवाडीतील शेतकरी अशोक दरेकर यांच्या बंगल्याच्या मुख्य गेटजवळ बिबट्या दबकत पोहोचला. नेहमीप्रमाणे शिकारीच्या उद्देशाने परिसराची पाहणी करत तो घराच्या आवारात शिरण्याचा प्रयत्न करत होता. मात्र आत असणाऱ्या तीन कुत्र्यांनी बिबट्याच्या हालचाली ओळखून तात्काळ जोरजोरात भुंकायला सुरुवात केली.

हेही वाचा : 'बायकोची सेवा करण्यासाठी मला आणलं घरी, 4 वर्ष माझ्यासोबत शारीरिक संबंध अन्..', वयस्कर पुरुषाचे विवाहित महिलेसोबत भलतेच चाळे

सीसीटीव्हीत स्पष्ट दिसतं की, बिबट्या सावधपणे आत शिरण्याचा प्रयत्न करतो, पण कुत्र्यांचा आक्रमक आवाज त्याला थेट रोखतो. काही क्षण बिबट्या थांबून परिस्थितीचा अंदाज घेतो; मात्र तिघेही कुत्रे एकत्रितपणे त्याच्यावर दादागिरी करताच तो एकदम घाबरतो आणि मागे वळत धूम ठोकत पळून जातो.

सहजरीत्या एक-दोन कुत्र्यांवर झडप घालून त्यांना संपवणारा बिबट्या या प्रसंगात मात्र पूर्णतः असमर्थ ठरल्याचं दृश्य पाहायला मिळतं. तीन कुत्र्यांची एकी, सतर्कता आणि जोरदार प्रतिकार पाहून वन्य प्राण्यालाही माघार घ्यावी लागल्याचं हे दृश्य सोशल मीडियावरही वेगाने व्हायरल होत आहे.

परिसरात यापूर्वीही बिबट्यांच्या हालचाली वारंवार दिसत असल्याने ग्रामस्थांमध्ये भीतीचे वातावरण आहे. स्थानिक रहिवासी आणि शेतकरी यांची चिंता कायम असून वन खात्याने या भागात गस्त वाढवावी, अशी मागणी केली जात आहे. बिबट्यांच्या वारंवार होत असलेल्या हालचालींमुळे जनावरांवर आणि नागरिकांच्या सुरक्षेवर धोका निर्माण होत असल्याचे स्थानिक सांगत आहेत. या व्हिडीओने मात्र एक वेगळाच संदेश दिलाय—एकी आणि जागरूकता असली की मोठ्यातला मोठा धोका टाळता येऊ शकतो. गुंजाळवाडीतील दरेकर यांच्या शेतात घडलेला हा प्रकार आता चर्चेचा विषय ठरत आहे.

इतर महत्त्वाच्या बातम्या 

छत्रपती संभाजीनगर : नातेवाईक मंडपात, पंगतही बसली; पण दामिनी पथकाची धाड अन् नवरदेवाला पळवून लावलं