सांगली हादरली, दुहेरी हत्याकांडातील मुख्य साक्षीदाराचा सुपारी देऊन खून; 24 तासात उलगडा

हेही वाचा : 116, 117 की 118..., थलपती विजय यांना किती आमदारांचा पाठिंबा? राजभवनातील सूत्रांनी आकडा सांगितला

अपहरण करून आत्महत्येचा बनाव; पोलिसांनी 12 तासांत लावला खुनाचा छडा

साक्षीदाराचे अपहरण झाल्याची माहिती मिळताच सांगलीचे पोलीस अधीक्षक तुषार दोशी, अप्पर पोलीस अधीक्षक कल्पना बारवकर आणि इतर वरिष्ठ अधिकाऱ्यांनी तातडीने घटनास्थळी धाव घेतली होती. पोलिसांनी गेल्या 24 तासांपासून दादासो यमगर यांचा कसून शोध घेण्याचा प्रयत्न केला, मात्र आरोपींनी त्यांना कर्नाटक राज्यातील अथणी तालुक्यात नेऊन त्यांची हत्या केली. हा खून नसून आत्महत्या आहे असा बनाव रचण्यासाठी आरोपींनी दादासो यांचा मृतदेह झाडाला गळफास घेतलेल्या अवस्थेत लटकवून दिला होता. मात्र, कवठेमहांकाळ पोलिसांनी तांत्रिक आणि गुप्त माहितीच्या आधारे अवघ्या 12 तासांत या गुन्ह्याचा छडा लावला आणि हा घातपात असल्याचे स्पष्ट केले.

हेही वाचा : बारावीच्या विद्यार्थ्याने दहावीतील विद्यार्थिनीचा चिरला गळा, का झाला लव्ह स्टोरीचा रक्तरंजित शेवट?

मुख्य सूत्रधारासह तिघांना ठोकल्या बेड्या

तपासादरम्यान अत्यंत धक्कादायक माहिती समोर आली असून, सध्या जेलमध्ये असलेल्या कोसारी दुहेरी खून प्रकरणातील संशयित आरोपींनीच बाहेरून सुपारी देऊन दादासो यमगर यांची हत्या घडवून आणल्याचे निष्पन्न झाले आहे. पोलिसांनी या खून प्रकरणात मुख्य सूत्रधारासह ज्ञानू खोत, रोहित पाटोळे आणि हर्षद पैलवान या तिघांना अटक केली आहे. प्राथमिक चौकशीत या आरोपींनी साक्षीदाराचे तोंड कायमचे बंद करण्यासाठीच हे पाऊल उचलल्याची कबुली दिली आहे. पोलीस अधीक्षक तुषार दोशी यांनी या कारवाईची माहिती दिली असून, न्यायालयाने साक्ष नोंदवण्यापूर्वीच साक्षीदाराला संपवण्याच्या या गंभीर प्रकारामुळे पोलीस आता अधिक सखोल तपास करत आहेत.

दोन संशयित आरोपी अद्याप फरार; सांगली पोलिसांकडून शोधमोहीम तीव्र

या साक्षीदाराच्या हत्या प्रकरणात एकूण पाच जणांचा सहभाग असल्याचे प्राथमिक तपासात समोर आले असून, त्यापैकी तिघांना अटक करण्यात यश आले आहे, तर दोन आरोपी अद्याप फरार आहेत. पोलिसांनी फरार असलेल्या आरोपींची ओळख पटवली असून त्यांना जेरबंद करण्यासाठी विविध पथके तैनात करण्यात आली आहेत. "लवकरच इतर आरोपींनाही अटक करण्यात येईल," असा विश्वास जिल्हा पोलीस अधीक्षक तुषार दोशी यांनी व्यक्त केला आहे.

इतर महत्त्वाच्या बातम्या 

निवृत्त IPS अधिकारी घरी नव्हता, तिकडं पत्नीसोबत राहत्या घरात मोठं कांड..., नेमकं काय घडलं?