सातारा जिल्ह्यात पत्नीच्या कथित प्रियकराची हत्या! मृतदेहाशेजारी बसून 191 किमी प्रवास, पोलीस दलातील हवालदाराचं कांड

हे ही वाचा : खाकी वर्दीला बट्टा! महिला कॉन्स्टेबल आणि हेड कॉन्स्टेबलचे अश्लील व्हिडिओ, दोघेही निलंबित

स्थानिक गुन्हे शाखा आणि लोणंद पोलिसांनी अवघ्या काहीच तासांमध्ये या हत्येचा खुलासा करत आरोपींच्या मुसक्या आवळल्या आहेत. खंडाळा तालुक्यातील सुहडे गावातील शेतविहिरीत अंदाजे वय वर्षे 25 ते 30 वर्षांच्या तरुणाचा मृतदेह आढळून आला होता. लोणंद पोलिसांनी सुरुवातीला मृत्यूची नोंद करून प्रकरणाचा पुढील तपास केला. 

घटनास्थळी पाहणी करताना हा अपघात नसून खूनामुळे मृत्यू झाल्याचा पोलिसांना संशय आला. या प्रकरणात पोलीस तुषार दोषी, अपर पोलीस अधीक्षक डॉ. वैशाली कदम, उपविभागीय पोलीस अधिकारी तसेच स्थानिक गुन्हे शाखेच्या पथकाने घटनास्थळी भेट देत तपासाच्या सुचना दिल्या आहेत.  घटनास्थळ परिसरातील सीसीटीव्ही फुटेज, वाहने आणि संशयावरून बारकाईने तपास केला. 

मृतदेह शेजारीच ठेवून तब्बल 191 किमीचा प्रवास

तपासादरम्यान एक संशयित कार ही पोलिसांच्या रडारवर आली. तांत्रिक विश्लेषण आणि गोपनीय माहितीच्या आधारे संशयितांना ताब्यात घेण्यात आले. या प्रकरणात पोलीस कसून चौकशी करून गुन्हेगारांचा तपास केला आहे. तपासातून समोर आले की, आरोपीने संबंधित तरुणाचे हातपाय बांधून त्याला कारमध्ये बसवले. नंतर त्याचा खून करण्यात आला. मृतदेह शेजारीच ठेवून तब्बल 191 किमीचा प्रवास केला, नंतर सुहाडे गावातील विहीरीजवळ मृतदेह टाकण्यात आला होता. 

हे ही वाचा : पोलीस होण्याचं स्वप्न उंबरठ्यावर, बीडमध्ये पोलीस भरतीदरम्यान तरुणाचा मृत्यू, कारण आलं समोर

संबंधित प्रकरणात पुरावा नष्ट करण्यासाठी मृतदेहावर पेट्रोल टाकून तो जाळावा लागला. या प्रकरणी अवघ्या 72 तासांत आरोपींना अटक करण्यात आली. मुख्य आरोपीसह इतर साथीदारांना पोलिसांनी अटक केली असून, त्यांच्यावर खुनाचा गुन्हा दाखल करण्यात आला आहे.पत्नीच्या कथित प्रेमसंबंधाच्या संशयातून घडलेल्या या हत्येमुळे सातारा आणि नवी मुंबई या दोन्ही ठिकाणी खळबळ उडाली आहे.