सोलापूर : 53 वर्षीय मौलानाने मदरशात 10 वर्षीय मुलीसोबत..., भयंकर प्रकरण!

हेही वाचा : 15 वर्षीय मुलीवर बापाचा बलात्कार, तीन वर्ष सगळं सहन केलं; कारण वाचून हादरुन जाल

मौलानाचे पीडित मुलीसोबत गैरवर्तन 

फिर्यादीने दिलेल्या तक्रारीनुसार, आरोपी मौलानाने गेल्या काही काळापासून पीडित मुलीसोबत गैरवर्तन केले होते. एवढेच नव्हे तर, इतर काही अल्पवयीन मुलींशीही त्याने अयोग्य वर्तन केले असल्याचा गंभीर आरोप करण्यात आला आहे. शिक्षणाच्या पवित्र ठिकाणी घडलेल्या या घटनेमुळे सोलापूर शहरात आणि विशेषतः नई जिंदगी परिसरात मोठी खळबळ उडाली आहे. धार्मिक शिक्षणासाठी पालकांनी आपल्या मुलांना विश्वास ठेवून पाठवलेल्या मदरशातच असा प्रकार घडल्याने नागरिकांकडून संताप व्यक्त केला जात आहे.

हेही वाचा : मुलीच्या डॉक्टरकीसाठी जमीन विकली, पण शेतकरी बाप तिची बॉडी घेऊन परतला

आरोपीवर कठोर कारवाईची मागणी

या दुर्दैवी घटनेची माहिती मिळताच पीडित मुलीच्या वडिलांनी एमआयडीसी पोलीस ठाण्यात धाव घेऊन तक्रार नोंदवली. या तक्रारीवरून पोलिसांनी आरोपी मौलाना मोहम्मद उमर मोहम्मद हुसेन रजवी याच्याविरुद्ध भारतीय न्याय संहितेची संबंधित कलमे, पॉक्सो (POCSO) कायद्याचे कलम 8, 10 व 12, तसेच बाल न्याय (जेजे) अधिनियम 2015 चे कलम 75 अन्वये गुन्हा दाखल केला आहे. या प्रकारामुळे पालकांमध्ये आपल्या मुलांच्या सुरक्षिततेबाबत भीतीचे आणि चिंतेचे वातावरण निर्माण झाले आहे. 

नागरिकांनी या प्रकरणाचा निष्पक्ष आणि सखोल तपास करून दोषींवर कठोर कारवाई करण्याची मागणी केली आहे.दरम्यान, एमआयडीसी पोलीस या प्रकरणाचा पुढील तपास करीत असून तपासानंतर सर्व माहिती समोर येईल अशी माहिती पोलीस आयुक्त एम. राज कुमार यांनी दिलीय.