सोलापूर हादरलं! दोन वर्षांच्या चिमुकल्यासह आईनं नको तेच... भयंकर घडलं

हे ही वाचा : Astrology : शनी आणि केतूचा विशेष योग, 'या' राशींचे भाग्य उजळणार

आईनं दोन वर्षांच्या चिमुकल्यासह उडी घेत संपवलं जीवन

जीवन संपवलेल्या मृत महिलेचं नाव भाग्याश्री सिद्धप्पा कट्टीमनी (वय 30) अशी ओळख समोर आली. मंगळवारी दुपारी तोरणी रोडनजीक असलेल्या विहिरीत तिने दोन वर्षांच्या चिमुकल्यासह उडी घेत जीवन संपवलं. या घटनेची माहिती तिच्या माहेरच्या नातेवाईकांना समजताच त्यांच्या पायाखालची जमीन सरकली. 

भाग्यश्रीची आई कलव्वा बसप्पा पुजारी यांनी नातेवाईकांसह घटनास्थळी धाव घेतली. गावकरी आणि पोलिसांच्या मतदीने विहिरीतून प्रथम दोन वर्षीय शिवराजचा मृतदेह बाहेर काढण्यात आला होता. त्यांना अक्कलकोट ग्रामीण रुग्णालयात दाखल करण्यात आले. मात्र, डॉक्टरांनी तपासणीदरम्यान त्याला मृत घोषित केले. 

अशातच भाग्यश्रीचा मृतदेह विहिरीच्या पाण्यावर तरंगत होता. पोलिसांनी मृतदेह बाहेर काढून रुग्णालयात पाठवला. मात्र, डॉक्टरांनी तिला देखील मृत घोषित केले. यानंतर भाग्यश्रीच्या आईने पोलिसांकडे घटनेबाबत तक्रार दाखल केली. 

हे ही वाचा : पुणे : IT इंजिनिअर मुलीचे चप्पल विक्रेत्यासोबत प्रेमसंबंध.. शेवटी नदीपात्रात मृतदेह सापडला!

मृत महिलेच्या आईची सासरच्यांविरोधात तक्रार 

तिच्या आईने दिलेल्या जबाबात, मुलीचा सासरच्या मंडळींकडून वारंवार छळ होत असल्याचा आरोप करण्यात आला. या कौटुंबिक छळात सासू, सासरे, पती, दोन दीर, नणंद आणि इतर नातेवाईकांवर आरोप करण्यात आला. अक्कलकोट दक्षिण पोलीस या प्रकरणाचा पुढील तपास करत आहेत.