हे ही वाचा : नवी मुंबई: मॅट्रिमोनिअल साइटवर महिलांशी ओळख, नंतर लैंगिक शोषण अन् पैसे सुद्धा उकळले! पोलिसांनी केला पर्दाफाश

राहत्या घरात आढळला मृतदेह

अंबरनाथ (पश्चिम) येथील स्वामीनगर भागात प्रतीक्षा राणे आपल्या कुटुंबासह राहत होती. गेल्या अनेक वर्षांपासून ती पोलीस भरतीसाठी प्रयत्न करत होती. मात्र, वारंवार प्रयत्न करूनही यश मिळत नसल्याने ती नैराश्यात होती. 26 फेब्रुवारी रोजी प्रतीक्षाचा मृतदेह तिच्या राहत्या घरात आढळून आला.

'आई-बाबा मला माफ करा...'

घटनेची माहिती मिळताच अंबरनाथ पश्चिम पोलीस ठाण्याचे पथक घटनास्थळी दाखल झाले. पोलिसांनी पंचनामा केला असता, त्यांना प्रतीक्षाने लिहिलेली एक सुसाईड नोट सापडली आहे. 'तुम्ही ज्या आयुष्याचं स्वप्न बघितलं होतं ते मी पूर्ण करुन शकले नाही, मला माफ करा,' असे भावनिक शब्द तिने या पत्रात लिहिले आहेत. आई-वडिलांना चांगले जीवन देण्याचे स्वप्न भंगल्याच्या दुःखातून तिने हे टोकाचे पाऊल उचलल्याचे प्राथमिक तपासात समोर आले आहे.

हे ही वाचा : पाणीपुरीत विष टाकूत गर्भवतीला मारण्याचा कट, नंतर जंगलात नेलं अन्... हादरवून टाकणारी घटना

पोलीस तपास काय सांगतो?

अंबरनाथ पश्चिम पोलीस ठाण्याचे वरिष्ठ पोलीस निरीक्षक सैयद शब्बीर यांनी दिलेल्या माहितीनुसार, याप्रकरणी आकस्मिक मृत्यूची नोंद करण्यात आली आहे. मृतदेह पोस्ट मार्टमसाठी पाठवण्यात आला असून, पोलीस प्रतीक्षाच्या कुटुंबीयांची आणि शेजाऱ्यांची चौकशी करत आहेत. दरम्यान,  स्पर्धा परीक्षांचा दबाव आणि त्यातून येणारे अपयश सध्याच्या तरुणाईसाठी चिंतेचा विषय ठरत आहे.