भिवंडी: बाथरूमच्या खिडकीतून महिलांचे 'तसले' व्हिडिओ रेकॉर्ड केले अन्..

हे ही वाचा : सूर्याचा मिथुन राशीत प्रवेश, 'या' राशींचे भवितव्य उजळणार

पोलिसांच्या माहितीनुसार, ही धक्कादायक घटना 8 जून रोजी रात्री उशिरा सारंग गावातील एका बंगल्यात घडल्याचं वृत्त आहे. घरात उपस्थित असलेल्या एका 16 वर्षीय मुलीने संशयित आरोपीने व्हिडिओ रेकॉर्ड केल्याचे लक्षात आल्यानंतर हे प्रकरण उघडकीस आले. नंतर पीडितेनं पोलीस ठाणे गाठून या प्रकरणाची तक्रार दाखल केली. 

बाथरूममधील महिलांचे व्हिडिओ रेकॉर्ड केले

तक्रारीनुसार, त्याच परिसरात राहणाऱ्या आरोपीने, आपला मोबाईल फोन बाथरूमच्या खिडकीला काठीचा आधार घेत टेकवून उभा केला आणि किशोरवयीन मुलीची आई आणि मावशीचे गुपचूप व्हिडिओ रेकॉर्ड करण्याचा प्रयत्न केला. 

आरोपीवर पोक्सो अंतर्गत गुन्हा दाखल 

या प्रकरणाचे गांभीर्य ओळखून पोलिसांनी भारतीय दंड संहिता कलम 77 अंतर्गत गुन्हा दाखल केला. शिवाय तक्रारदार ही अल्पवयीन असल्याने आरोपीवर पॉक्सो अंतर्गत गुन्हा दाखल केला आहे. 

हे ही वाचा : 'मी भवानीला मारुन टाकलं', एक कॉल आला अन् बॉयफ्रेंडही बेशुद्ध अवस्थेत तिथेच सापडला

पोलीस अधिकाऱ्यांच्या माहितीनुसार, प्रकरणाचा सखोल तपास करण्यात आला आहे. आऱोपीच्या शोधमोहिमेसाठी तपास करणे सुरू आहे, अद्याप आरोपी अटकेत नाही. पोलीस आरोपीची कसून चौकशी करत असून लवकरच त्याच्या मुसक्या आवळतील आणि प्रकरणाची पुढील कारवाई होईल.