गंजलेल्या नंबर प्लेटची स्कुटी घेऊन फिरणाऱ्या ट्रॅफिक पोलिसाला 2 हजारांचा दंड, व्हायरल व्हिडीओतील 'त्या' तरुणाला यश

ट्रॅफिक पोलिसावर 2 हजारांची दंडात्मक कारवाई 

घटनेची माहिती अशी की, 27 ऑक्टोबर रोजी वागळे इस्टेट परिसरात ट्रॅफिक कॉन्स्टेबलने एका तरुणाला हेल्मेटशिवाय दुचाकी चालवत असल्याने त्याला थांबवून दंड ठोठावला. मात्र, त्याच तरुणाने पोलिसाच्याच वाहनावरील गंजलेल्या आणि अस्पष्ट नंबरप्लेटकडे लक्ष वेधले. तसेच, त्या स्कूटरवर बाजूचे आरसे नव्हते, वाहनावर अनधिकृत स्टिकर्स लावलेले होते आणि वाहन पोलिसाच्या मित्राचे असल्याचे समोर आले. या प्रकरणात नियम भंग केल्याप्रकरणी पोलिसावर 2,000 रुपयांची दंडात्मक कारवाई करण्यात आली.

हेही वाचा : लेकाची वडिलांकडे दारूसाठी पैशांची मागणी, पैसे देण्यास नकार, लोखंडी रॉडने जन्मदात्याचा केला खून... नागपूर हादरलं

तरुणाने संपूर्ण प्रकाराचा व्हिडीओ मोबाईलवर टिपला आणि तो सोशल मीडियावर शेअर केला. काही तासांतच हा व्हिडीओ व्हायरल झाला आणि नागरिकांनी “नियम सर्वांसाठी समान हवेत” अशी मागणी केली. या प्रकरणाची दखल घेत ठाणे वाहतूक विभागाच्या वरिष्ठ अधिकाऱ्यांनी तात्काळ कारवाईचे आदेश दिले.

सोशल मीडियावर व्हिडीओ व्हायरल झाल्यानंतर ट्रॅफिक पोलिसावर कारवाई 

मीडिया रिपोर्टनुसार, सदर कॉन्स्टेबलवर योग्य ती कारवाई करण्यात आली असून त्याला 2,000 रुपयांचा दंड ठोठावण्यात आला आहे. तो मित्राची दुचाकी कागदपत्रांशिवाय आणि नियम न पाळता वापरत होता. या घटनेनंतर पोलिस विभागाने स्पष्ट केले की, “नियम सर्वांसाठी समान आहेत – मग तो नागरिक असो किंवा पोलिस कर्मचारी. तरुण आणि पोलीस दोघांवरही कारवाई करण्यात आली असून व्हिडीओ पुराव्याच्या आधारे पुढील चौकशी सुरू आहे. या व्हायरल घटनेमुळे अनेकांनी सोशल मीडियावर त्या तरुणाचे कौतुक केले. “हेल्मेटशिवाय वाहन चालवणाऱ्याला दंड होतोच, पण नियम मोडणाऱ्या पोलिसालाही शिक्षा व्हायला हवी,” असं मतही सोशल मीडियावर नेटकऱ्यांनी व्यक्त केलंय. 

इतर महत्त्वाच्या बातम्या 

पुणे : युपीएससीचा अभ्यास करणाऱ्या तरुणीला लग्नाचं आमिष दाखवलं, हॉटेलमध्ये लैंगिक शोषण, व्हिडिओ बनवत धमकी...