अंबरनाथ : कोब्राच्या दंशाने 3 वर्षीय चिमुकल्याचा दुर्दैवी मृत्यू, रुग्णालयात उडाला गोंधळ

हे ही वाचा : स्वयंपाक करण्याच्या बहाण्याने तरुणीला घरात बोलावले, तोंडात कापडाचा बोळा कोंबून...

सापाच्या दंशाने 3 वर्षीय चिमुकल्याचा मृत्यू 

घडलेल्या घटनेनुसार, सुलतान शेख (वय 3) हा चिमुकला घरात मोबाईल पाहत होता, त्याचदरम्यान त्याच्या कमरेला विषारी सापाने दंश केला होता. साप चावल्याचे लक्षात येताच कुटुंबियांनी त्याला तातडीने उल्हासनगर जिल्हा मध्यवर्ती रूग्णालयात उपचारासाठी दाखल केले. मात्र, उपचारादरम्यान त्याचा दुर्दैवी अंत झाल्याची घटना समोर आली. 

उपचारादरम्यान अतिघाई अन् चिमुकल्याचा मृत्यू  

मुलाच्या मृत्यूनंतर संतप्त झालेल्या नातेवाईकांनी रुग्णालय प्रशासनाविरोधात तीव्र संताप व्यक्त केला. डॉक्टरांनी उपचार करताना अधिक अतिघाई केल्याने मुलाचा दुर्दैवी अंत झाल्याचा आरोप मुलाच्या आई वडिलांनी केला. त्यांच्या म्हणण्यांनुसार, रुग्णालयात केवळ रक्त तपासणी केली, मात्र आवश्यक ते उपचार करण्यात आले नाही. 

पुराव्यासाठी संबंधित सापालाही रुग्णालयात पाठवण्यात आले होते. इतक्यात सापाला घेऊन रूग्णालयात नेताना प्रवेश केला असता, पोलिसांनी हस्तक्षेप केला, तेव्हा दोघांमध्ये शा‍ब्दिक वाद घडला. घटनेची माहिती मिळताच पोलिसांनी घटनास्थळी धाव घेत परिस्थिती नियंत्रणात आणली.  

हे ही वाचा : नांदेड : मामाच्या गावी जाताना चिमुकला कारखाली चिरडला, आई अन् बापाच्या डोळ्यादेखत...

दुसरीकडे उल्हासनगर जिल्हा शल्य चिकित्सक डॉ. मनोहर बनसोडे यांनी कुटुबीयांचे सर्व आरोप फेटाळून लावले. त्यांनी सांगितल्याप्रमाणे, मुलाला रूग्णालयात आणल्यानंतर त्याची प्रकृती गंभीर झाली. डॉक्टरांच्या पथकाने त्याला वाचवण्यासाठी सर्वतोपरी प्रयत्न केले, मात्र ते यशस्वी ठरले नाही. संबंधित घटनेचे काही व्हिडिओ सोशल मीडियावर व्हायरल झाले.