दिरासाठी मुलगी पाहायला निघालेल्या वहिनीचा रस्त्यातच गेला जीव, असं घडलं तरी काय?

नेमकी घटना काय?

अपघातात ठार झालेल्या महिलेचे नाव नंदनी मच्छिंद्र दोलतडे (वय ३२) असून, तिचा जखमी पती मनोज कृष्णदेव दोलतडे (वय ३२) आहे. हे दांपत्य मोटारसायकलवरून मिरजकडून सोलापूरच्या दिशेने दिराला मुलगी पाहण्यासाठी जात असताना ही दुर्दैवी घटना घडली. नंदनी या मोटारसायकलच्या मागील सीटवर बसल्या होत्या, तर मनोज गाडी चालवत होते.

हे ही वाचा>> प्रियकराच्या नादाला लागली अन् नको ते करून बसली! मामा-मामीसोबतच केला कांड...

प्राप्त माहितीनुसार, सकाळच्या वेळी दांपत्य सिव्हिल हॉस्पिटलसमोर पोहोचले असतानाच मागून येणाऱ्या भरधाव डंपरने (क्रमांक MH-10-7326) त्यांच्या दुचाकीला मागून जोरदार धडक दिली. धडक इतकी भयानक होती की, नंदनी बाइकवरून खाली फेकल्या गेल्या आणि डंपरच्या मागील चाकाखाली येऊन चिरडल्या गेल्या. परिणामी, त्यांचा जागीच मृत्यू झाला. मनोज हे अपघातात गंभीर जखमी झाले असून, त्यांना तातडीने रुग्णालयात दाखल करण्यात आले आहे. त्यांची प्रकृती गंभीर असल्याचे डॉक्टरांनी सांगितले आहे.

अपघातानंतर डंपर चालकाने घटनास्थळावरून पळ काढण्याचा प्रयत्न केला; मात्र सिव्हिल हॉस्पिटलच्या सीसीटीव्ही फुटेजच्या आधारे पोलिसांनी तात्काळ कारवाई करत त्याला ट्रॅक करून अटक केली. पोलिसांनी डंपर जप्त केले असून, चालकाविरुद्ध वाहतुकीच्या नियमांचे उल्लंघन आणि अपघात प्रकरणी गुन्हा दाखल करण्यात आला आहे. या प्रकरणाचा अधिक तपास सुरू असून, सीसीटीव्ही फुटेज हे महत्त्वपूर्ण पुरावा ठरणार आहे.

हे ही वाचा>> 'मला Kiss कर...' शिक्षकाची अश्लील मागणी! वॉशरूममध्ये विद्यार्थीनीसोबत घाणेरडे चाळे अन्...

या अपघातामुळे मिरज-पंढरपूर मार्गावर काही काळ वाहतूक ठप्प झाली होती. स्थानिक नागरिकांनी घटनास्थळी गर्दी केली होती, अशा भरधाव वाहनांमुळे होणाऱ्या अपघातांवर नियंत्रण आणण्याची मागणी केली आहे. "हा मार्ग नेहमीच वाहतुकीने गजबजलेला असतो, तरीही भरधाव वाहने धोकादायक ठरत आहेत," अशी प्रतिक्रिया एका स्थानिक रहिवाशाने व्यक्त केली.

पोलिसांनी अपघाताची कारणे शोधण्यासाठी तपास सुरू केला असून, डंपर चालकाची चौकशी सुरू आहे. कुटुंबीयांना या घटनेचा धक्का बसला असून, परिसरात हळहळ व्यक्त होत आहे. अशा अपघातांना प्रतिबंध घालण्यासाठी वाहतुकीच्या नियमांचे काटेकोर पालन आणि जागरूकता मोहिमांची गरज असल्याचे मत तज्ज्ञांकडून व्यक्त होत आहे.