हे ही वाचा : कष्ट करुन सॉफ्टवेअर इंजिनिअर बनवलं अन् तोच मुलगा जीवावर उठला; आई-वडिलांचा 'असा' केला अंत

आजारपण की घातपात?

मोठी बहीण सुनीता देवी हिने पोलिसांना सांगितले की, तिच्या आईला गेल्या अनेक वर्षांपासून दमा आणि थायरॉईडचा गंभीर आजार होता. डोळ्यांच्या शस्त्रक्रियेसाठी ती आईला सुअरा गावातून सासाराम येथे घेऊन आली होती. तिथेच उपचारादरम्यान त्यांचा अचानक मृत्यू झाल्याचा दावा तिने केला आहे. मात्र, दुसरीकडे लहान बहीण दुर्गा देवी हिने हा दावा पूर्णपणे फेटाळून लावत हा पूर्वनियोजित खून असल्याचे म्हटले आहे.

पेन्शन आणि संपत्तीचा लोभ

मृत लीलावती कुंवर यांचे पती बंगाल पोलीस दलात कार्यरत होते. त्यांच्या निधनानंतर लीलावती यांना नियमित पेन्शन मिळत होती आणि त्या लहान मुलीसोबत राहत होत्या. दुर्गा देवीच्या आरोपानुसार, मोठी बहीण सुनीता ही अनेक दिवसांपासून आईची संपत्ती आणि पेन्शन लाटण्यासाठी वाद घालत होती. याच मालमत्तेच्या लोभापायी तिने आईचा गळा दाबून त्यांना संपवले असावे, असा संशय तिने व्यक्त केला असून पोलिसांत तक्रार दाखल केली आहे.

हे ही वाचा : आईला मामेभावासोबत आक्षेपार्ह अवस्थेत बघितले, 14 वर्षीय मुलासोबत आईने काय केले? हादरवून टाकणारं प्रकरण

मृत्यूचं कारण अस्पष्ट

सूर्यपुरा पोलीस ठाण्याचे चौकीदार हरेंद्र कुमार यांनी दिलेल्या माहितीनुसार, लहान मुलीने दिलेल्या लेखी अर्जावरुन पोलिसांनी या प्रकरणाचा तपास सुरु केला आहे. पोलिसांनी मृतदेह ताब्यात घेऊन सासाराम येथील सदर रुग्णालयात पोस्ट मार्टमसाठी पाठवला आहे. हा अहवाल आल्यानंतरच लीलावती कुंवर यांचा मृत्यू नैसर्गिक कारणाने झाला की त्यांची हत्या करण्यात आली, हे स्पष्ट होणार आहे. सध्या पोलीस सर्व बाजूने या प्रकरणाची चौकशी करत आहेत.