नऊ तास वेदनेने विव्हळत राहिली

मिळालेल्या माहितीनुसार, एका अल्पवयीन मुलानेच या चिमुरडीवर बलात्कार केला. पोलिसांनी गुन्हा दाखल करून मुलीला वैद्यकीय उपचारांसाठी पाठवले, मात्र खरी शोकांतिका तिथूनच सुरू झाली. नातेवाईक तिला घेऊन दुपारी गाजीपूर मेडिकल कॉलेजच्या महिला रुग्णालयात पोहोचले. परंतु, तेथील डॉक्टरांनी 'मेडिको-लीगल' प्रक्रियेचे कारण पुढे करत तिला जिल्हा रुग्णालयाच्या ट्रॉमा सेंटरमध्ये पाठवले. दुर्दैवाने तिथेही तिला वेळेवर उपचार मिळाले नाहीत आणि ही निष्पाप मुलगी वेदनेने विव्हळत राहिली.

हे ही वाचा : महाराष्ट्र : बापाचा खून करुन अनुकंपा तत्त्वावर पोलीस झाली मुलगी; प्रियकरासोबत वाद झाल्याने 3 वर्षांनी उलगडा

नियमांच्या जाळ्यात अडकलेली व्यवस्था

या संपूर्ण प्रकरणामागे मेडिकल कॉलेज आणि मुख्य वैद्यकीय अधिकारी कार्यालयातील समन्वयाचा अभाव असल्याचे समोर आले आहे. सीएमओ यांनी हे प्रकरण आपल्या अधिकारक्षेत्राबाहेर असल्याचे सांगून हात झटकले, तर महिला रुग्णालयातील डॉक्टरांनी 'पॉक्सो' कायद्यांतर्गत ही बाब वैद्यकीय-कायदेशीर पथकाकडे (Medical-Legal Team) असल्याचे सांगत उपचार करण्यास टाळाटाळ केली. प्रशासकीय दिरंगाई आणि नियमांच्या जाळ्यात अडकलेली ही व्यवस्था एका गंभीर जखमी बालिकेला प्राथमिक उपचार देण्यातही अपयशी ठरली.

हे ही वाचा : दहावीत शिकणारा विद्यार्थी विवाहित प्रेयसीला भेटायला गेला, प्रेयसीच्या नवऱ्याने थेट शेवटच केला; नेमकं काय घडलं?

रात्री 11 वाजता उपचार सुरु

रात्री उशिरापर्यंत उपचार न मिळाल्याने नातेवाईकांचा संयम सुटला आणि त्यांनी रुग्णालयाबाहेर जोरदार निदर्शने केली. स्थानिक नागरिक आणि पोलीस अधिकारी घटनास्थळी दाखल झाल्यानंतर प्रशासन खडबडून जागे झाले. गोंधळ वाढल्यानंतर अखेर रात्री 11 वाजता पीडित मुलीवर उपचार सुरू करण्यात आले. या घटनेने उत्तर प्रदेशातील आरोग्य व्यवस्थेची लक्तरे वेशीवर टांगली असून, एका चिमुरडीच्या वेदनेपेक्षा कागदी घोडे नाचवण्याला महत्त्व देणाऱ्या यंत्रणेवर कडक कारवाई करण्याची मागणी आता जोर धरत आहे.