अब्दुल 2 हँड ग्रेनेड घेऊन निघालेला राम मंदिरात, घडवणार होता विध्वंस; पण...

असे सांगितले जात आहे की, अब्दुल हँडग्रेनेडने राम मंदिरावर हल्ला करण्याचा कट रचत होता. तो बराच काळ पाकिस्तानी गुप्तचर संस्था आयएसआयच्या संपर्कात होता. आयएसआय त्याला राम मंदिरावर हल्ला करण्यासाठी तयार करत होतं. अब्दुल रहमान अनेक कट्टरपंथी गटांशी संबंधित असल्याचेही तपासात समोर आले आहे. तिथून तो आयएसआयच्या संपर्कात आला आणि दहशतवादी कटात सहभागी झाला, असे मानले जाते.

हे ही वाचा>> Santosh Deshmukh Murder : क्रूरतेचा कळस! संतोष देशमुखांची अमानुष हत्या, सर्वात धक्कादायक फोटो आले समोर

अब्दुल रहमानने केलेली राम मंदिराची रेकी

मिळालेल्या माहितीनुसार, तपासात असे दिसून आले आहे की अब्दुल रहमानने आयएसआयच्या सूचनेनुसार राम मंदिराची रेकी केली होती. त्याने राम मंदिराच्या सुरक्षा व्यवस्थेची माहिती आयएसआयलाही दिली होती.

असे सांगितले जात आहे की, अब्दुलची योजना राम मंदिरावर हँडग्रेने हल्ला करण्याची होती. योजनेनुसार, त्याला राम मंदिरावर हातबॉम्बने हल्ला करायचा होता आणि तेथे मोठ्या प्रमाणात विंध्वस करायचा होता. पण सुदैवाने त्याआधीच, गुजरात एटीएसला मिळालेल्या गुप्तचर माहितीमुळे अब्दुलला अटक करण्यात आली.

हे ही वाचा>> अल्पवयीन गर्लफ्रेंडसोबत रोहित लिंगायतची हाय व्होल्टेज टॉवरला गळफास लावून आत्महत्या

अब्दुल हल्ला करण्यासाठी होता तयार

तपासात असे दिसून आले आहे की, अब्दुल रहमान प्रथम फैजाबादहून फरिदाबादला पोहोचला. येथे दहशतवादी हँडलरने त्याला हँडग्रेनेड दिले. यानंतर, तो योजनेनुसार ट्रेनने अयोध्येला पोहोचत होता. पण त्याआधीच गुजरात एटीएस आणि फरिदाबाद एसटीएफने मिळून अब्दुल रहमानला पकडलं.

तपास यंत्रणांनी ताबडतोब त्याच्याकडे हातबॉम्ब हस्तगत करुन ते  निकामी केले आणि अब्दुलला अटक केली. आता तपास यंत्रणेने अब्दुल रहमानच्या साथीदारांचा शोध सुरू केला आहे. तपासादरम्यान भारतात कार्यरत असलेले अनेक दहशतवादी पकडले जाऊ शकतात, असे मानले जात आहे.