दोन शिक्षकांनी केला बलात्कार

पीडित मुलीच्या आईने दिलेल्या अर्जानुसार, मुलगी दोन वर्षांपूर्वी संबंधित शिक्षकाकडे दहावीचे शिक्षण घेत होती. दहावीची परीक्षा उत्तीर्ण झाल्यानंतर ती तिच्या वडिलांकडे पाटण्याला निघून गेली होती. मात्र, आरोपीने तिला पुन्हा अश्लील व्हिडिओची भीती दाखवून बोलावून घेतले. त्यानंतर एका दुसऱ्या शिक्षकाच्या मदतीने तिला अंमली पदार्थ पाजून पुन्हा तिच्यावर बलात्कार करण्यात आला आणि नवीन व्हिडिओ बनवून तिचे शोषण चालूच ठेवले. भीतीपोटी पीडिता अनेक दिवस गप्प राहिली होती.

हे ही वाचा : Shiv Sena सुनावणी: राजकीय पक्ष की विधिमंडळ पक्ष, सुप्रीम कोर्टात घमासान युक्तिवाद सुरू

पीडितेचे अश्लील फोटो 

आरोपी शिक्षकाची अरेरावी एवढ्यावरच थांबली नाही, तर त्याने 17 जुलै रोजी पीडितेच्या वडिलांना आणि इतर काही लोकांना हे अश्लील फोटो पाठवले. फोटो समोर आल्यानंतर पीडितेच्या कुटुंबाला हा धक्कादायक प्रकार समजला. स्वतःच्या मुलीवर झालेला हा अत्याचार आणि मिळालेली धमकी यानंतर कुटुंबाने आरोपींविरोधात न्यायासाठी पोलिसांचे दार ठोठावण्याचा निर्णय घेतला.

हे ही वाचा : लग्न होत नाही म्हणून आईनं पोटच्या लेकीला संपवलं, धाकटी बहीण होती सामील

शिक्षकांवर गुन्हा दाखल, पुढे काय?

या संपूर्ण प्रकरणी पीडितेच्या आईने समस्तीपूर येथील महिला पोलीस ठाण्यात अधिकृत तक्रार दाखल केली आहे. पोलीस ठाण्याने या तक्रारीची गंभीर दखल घेत संबंधित आरोपी शिक्षकांवर गुन्हा दाखल केला असून पुढील तपास सुरू केला आहे. या प्रकरणातील दोषी शिक्षकांवर कठोर कारवाई केली जाईल, असे आश्वासन महिला पोलीस ठाण्याच्या वतीने देण्यात आले आहे.