सातवीतील विद्यार्थीनीवर शाळेतच सामुहिक बलात्कार, 5 नराधम शिक्षकांना अटक, संपूर्ण परिसरात संतापाची लाट

नेमकं प्रकरण काय?

पीडित मुलगी एका खाजगी शाळेत इयत्ता 7 वीमध्ये शिक्षण घेत आहे. मिळालेल्या माहितीनुसार, हे पाचही शिक्षक गेल्या अनेक दिवसांपासून या मुलीवर अत्याचार करत होते. पीडितेच्या पालकांना जेव्हा या धक्कादायक प्रकाराची माहिती मिळाली, तेव्हा त्यांनी तात्काळ जिल्हा बाल कल्याण समितीकडे धाव घेतली.

तपासाची चक्रे फिरली

जिल्हा बाल कल्याण समितीने या प्रकरणाची प्राथमिक चौकशी केली. समितीच्या सदस्या स्वागतिका पात्रा यांनी सांगितले की, 18 फेब्रुवारी रोजी यासंदर्भात तक्रार प्राप्त झाली होती. 48 तासांच्या प्राथमिक तपासानंतर हे प्रकरण राजकनिका पोलीस ठाण्याकडे सोपवण्यात आले. तसेच, जिल्हा शिक्षण अधिकाऱ्यांनाही या प्रकरणाची स्वतंत्र चौकशी करण्याचे आदेश देण्यात आले आहेत.

पोलिसांची कारवाई

राजकनिका पोलीस ठाण्याचे प्रभारी निरीक्षक संजय मालिक यांनी दिलेल्या माहितीनुसार:

पीडित मुलीचा जबाब नोंदवून घेण्यात आला आहे. पीडितेची वैद्यकीय तपासणी (Medical Examination) पूर्ण झाली आहे. प्राथमिक पुराव्यांच्या आधारे पाचही आरोपी शिक्षकांना अटक करण्यात आली आहे.

राजकीय पडसाद आणि संताप

या गंभीर घटनेचे पडसाद राजकीय वर्तुळातही उमटले आहेत. विरोधी पक्ष असलेल्या 'बीजेडी'ने (BJD) केंद्रपाडा पोलीस अधीक्षकांना निवेदन देऊन आरोपींवर कठोर कारवाई करण्याची मागणी केली आहे. "अशा गुन्ह्यांमुळे मुलांच्या सुरक्षेचा प्रश्न निर्माण झाला असून, भविष्यात असे धाडस कोणाचेही होऊ नये यासाठी या नराधमांना कठोर शिक्षा मिळायला हवी," अशी मागणी करण्यात आली आहे.

इतर महत्त्वाच्या बातम्या 

आधी भाजप आमदार, आता राष्ट्रवादी मंत्र्यांसोबतचे फोटो व्हायरल; भिगवण कथित अपहरण प्रकरणाला राजकीय वळण