'असा' रचला बनाव

तपासादरम्यान समोर आले की, ही हत्या 55 वर्षीय रामवीर सिंह याने केली होती. रामवीर हा पूर्वी उत्तर प्रदेश पोलिसांत शिपाई म्हणून कार्यरत होता, मात्र गुन्हेगारी कारवायांमुळे त्याला सेवेतून बडतर्फ करण्यात आले होते. पोलिसांनी दिलेल्या माहितीनुसार, रामवीरने एका भिकाऱ्याला लक्ष्य केले, त्याची हत्या केली आणि मृतदेह जाळून टाकला. त्यानंतर त्याने स्वतःचे ओळखपत्र आणि वैयक्तिक वस्तू मृतदेहाजवळ ठेवल्या, जेणेकरून पोलीस आणि लोकांना तो स्वतः मेला असल्याचे वाटावे.

हे ही वाचा : 'आईची अवस्था बघवत नाही..' आजारी आईला चौथ्या मजल्यावरुन खाली ढकलून संपवले; मुलगा काय म्हणाला?

आरोपीचा गुन्हेगारी इतिहास

मात्र, तपासादरम्यान असे काही पुरावे मिळाले ज्यामुळे पोलिसांचा संशय बळावला. तांत्रिक पुरावे आणि स्थानिक माहितीच्या आधारे पोलिसांनी सत्याचा उलगडा करत 14 एप्रिल रोजी आरोपीला मैनपुरी जिल्ह्यातील किशनी परिसरातून अटक केली. पोलिसांनी सांगितले की, आरोपीचा गुन्हेगारी इतिहास मोठा आहे. त्याच्यावर फिरोजाबाद, अलीगड, मुरादाबाद, हरदोई, मैनपुरी आणि बदायूं यांसह अनेक जिल्ह्यांत अपहरण, हत्या, लूटमार आणि फसवणूक यांसारख्या गंभीर गुन्ह्यांची नोंद आहे. 

हे ही वाचा : अमरावती : परतवाडा स्कँडलप्रकरणी आरोपीचा खळबळजनक खुलासा, 'त्या' फ्लॅटमध्ये काय घडलं?

स्वत:ही होरपळला

या घटनेदरम्यान आरोपी स्वतःही होरपळला असल्याचे पोलिसांनी सांगितले. आरोपीने आपल्या मृत्यूचा बनाव रचण्याची योजना का आखली होती, याचे कारण अद्याप स्पष्ट झालेले नाही. दुसरीकडे, मृत व्यक्तीची ओळख अद्याप पटलेली नाही. मृतदेहाची ओळख पटवण्याचे प्रयत्न सुरू असून या प्रकरणी पुढील कायदेशीर कारवाई करण्यात येत असल्याचे पोलिसांनी सांगितले आहे.