पतीसोबत कोर्टात आली, पण समोर प्रियकर दिसला अन् महिलेने मारली मिठी, नंतर काय घडलं?

हेही वाचा : MPSC आंदोलनाबाबत हायकोर्टातून मोठी अपडेट, न्यायालयाचं विद्यार्थ्यांना आवाहन, सरकारला निर्देश

महिलेला तरुणापासून दूर करण्याचा प्रयत्न 

ही घटना टनकपूर रोडवरील पीलीभीत कचहरी परिसराच्या बाहेर घडल्याचे सांगण्यात आले आहे. महिला आपल्या पतीसोबत एका जुन्या खटल्याच्या संदर्भात न्यायालयात आली होती. याचवेळी संबंधित तरुणही तिथे पोहोचला. महिलेला तो दिसताच ती त्याच्याजवळ गेली आणि त्याला मिठी मारली. अचानक घडलेल्या या प्रकारामुळे तिथे उपस्थित लोक जमा झाले. महिलेला तरुणापासून दूर करण्याचा प्रयत्न करण्यात आला. मात्र महिला त्या तरुणाची साथ सोडण्यास तयार नसल्याचे व्हिडिओमध्ये दिसत आहे. यानंतर दोन्ही बाजूंमध्ये ओढाताण सुरू झाली आणि प्रकरण हाणामारीपर्यंत पोहोचले.

कोर्टाबाहेर महिला आणि तरुण यांच्यातील जवळीक

या घटनेचा व्हिडिओ सोशल मीडियावर मोठ्या प्रमाणात व्हायरल झाला आहे. व्हिडिओमध्ये कोर्टाबाहेर महिला आणि तरुण यांच्यातील जवळीक, परिसरात जमलेली गर्दी तसेच दोन्ही बाजूंमध्ये झालेली ओढाताण दिसत आहे. पती आणि त्याच्यासोबत असलेले काही लोक महिलेला तरुणापासून वेगळे करण्याचा प्रयत्न करताना दिसतात. मात्र महिला तरुणाला सोडण्यास तयार नसल्याचे दिसते. बराच वेळ हा गोंधळ सुरू होता. अखेर महिला आपल्या प्रियकरासोबत तिथून निघून गेली. या घटनेदरम्यान कोतवाली पोलीसही घटनास्थळी उपस्थित होते आणि परिस्थिती नियंत्रणात आणण्यासाठी मध्यस्थी करताना दिसले. परिसरातील काही लोकांनी या संपूर्ण प्रकाराचा व्हिडिओ आपल्या मोबाईलमध्ये रेकॉर्ड केला.

ही घटना एक दिवस आधी घडल्याचे सांगण्यात आले आहे. त्यानंतर या घटनेचा व्हिडिओ सोशल मीडियावर व्हायरल झाला. काही जणांनी वेगवेगळ्या गाण्यांसोबत हा व्हिडिओ संपादित करूनही प्रसारित केला. व्हिडिओ व्हायरल झाल्यानंतर पोलिसांनी या प्रकरणाची दखल घेतली. या प्रकरणाबाबत सीओ सिटी अमरनाथ वर्मा यांच्याशी संपर्क करण्यात आला.त्यानंतर पोलिसांनी घटनास्थळाची परिस्थिती आणि दोन्ही बाजूंच्या लोकांबाबत माहिती घेतली. शांतता आणि सुव्यवस्था राखण्यासाठी पोलिसांनी दोन्ही पक्षांतील लोकांवर कलम 151 अंतर्गत कारवाई केली.