लग्न झाल्यानंतरही एक्स बॉयफ्रेंड त्रास द्यायचा, शेवटी तरुणीने घरी बोलवून केला खून, ओळख पटू नये म्हणून ॲसिड फेकलं

पोलिसांनी दिलेल्या माहितीनुसार, मृत तरुण आझमगड येथील रहिवासी पंकज गुप्ता असून त्याचे एका तरुणीशी प्रेमसंबंध होते. संबंधित तरुणीचे लग्न झाल्यानंतर तिने पंकजशी असलेले नाते तोडून टाकले होते, मात्र पंकज तिला जुन्या अश्लील क्लिप्स दाखवून वारंवार धमकावत होता. या ब्लॅकमेलिंगमुळे त्रस्त झालेल्या महिलेने ही सर्व आपबिती आपल्या वहिनीला आणि भावाला सांगितली. त्यानंतर या त्रासातून कायमची सुटका करून घेण्यासाठी संपूर्ण कुटुंबाने मिळून पंकजला रस्त्यातून हटवण्याची योजना आखली.

हेही वाचा : मुलाच्या डोक्यात हातोड्याने ठोकला अडीच इंचाचा लोखंडी खिळा, वडील अन् भावाचं कृत्य; मुलाचं काय झालं?

5 फेब्रुवारी रोजी एका लग्न समारंभादरम्यान या हत्येची पूर्ण रणनीती आखण्यात आली. योजनेनुसार, 7 फेब्रुवारी रोजी महिलेने पंकजला भेटण्याच्या बहाण्याने एका निर्जन ठिकाणी बोलावले. पंकज तिथे पोहोचताच महिला, तिचा पती, भाऊ आणि इतर नातेवाईकांनी मिळून त्याची हत्या केली. हत्येनंतर त्याची ओळख पटू नये या उद्देशाने आरोपींनी त्याच्या चेहऱ्यावर ॲसिड ओतले आणि मृतदेह लोहटा गावाजवळ फेकून दिला. पोलिसांनी तीन दिवसांच्या मेहनतीनंतर मृताची ओळख पटवून तपासाची चक्रे वेगाने फिरवली.

बलियाचे पोलीस अधीक्षक ओमवीर सिंह यांनी सांगितले की, सर्व्हिलन्स आणि तांत्रिक पुराव्यांच्या आधारे या हत्येचा उलगडा करण्यात पोलिसांना यश आले आहे. याप्रकरणी प्रेयसी, तिचा पती आणि माहेरच्या लोकांसह एकूण पाच जणांविरुद्ध गुन्हा दाखल करण्यात आला आहे. पोलिसांनी आतापर्यंत तीन आरोपींना अटक केली असून, फरार असलेल्या इतर दोन आरोपींचा शोध घेण्यासाठी पथके रवाना करण्यात आली आहेत. या घटनेमुळे संपूर्ण परिसरात मोठी खळबळ उडाली आहे.

इतर महत्त्वाच्या बातम्या 

'मी तुझं नाव लिहून जात नाहीये..' बायकोच्या अनैतिक संबंधांना वैतागून तरुणाची आत्महत्या; बायकोला केला शेवटचा मेसेज