मोबाइल हॅक करून बनवले अश्लील व्हिडिओ, पालकांच्या फोनवर शेअर केले अन्..

हे ही वाचा : मुरासू वादळामुळे राज्यातील नेमक्या कोणत्या भागांत पाऊस?

शिवा सिंह हा एक अत्यंत हुशार मुलगा होता. त्याने 2024 मध्ये इंटरमिजिएट परिक्षेत अव्वल स्थान पटकावलं होते. डॉक्टर बनण्याचे स्वप्न पूर्ण करण्यासाठी तो 2025 मध्ये कानपूर येथे आला होता. नीट परिक्षेची तयारी करत होता, रावतपूरच्या तुळसीनगरमध्ये एका वसतिगृहात आपला वर्गमित्र दीपक गोस्वामीसोबत राहत होता. 

फोटो आणि व्हिडिओ व्हायरल करण्याची धमकी 

चंद्रवीर सिंह यांच्या म्हणण्यांनुसार, शिवाने शुक्ववारी फोन करून सांगितलं की, त्याचा मोबाइल फोन हॅक झाला. हॅकर्स सतत फोन करून पैशांची मागणी करत होता. तसेच पैसे न दिल्यास त्याचे काही व्हिडिओ आणि फोटो व्हायरल करेन अशी धमकी देत होता. त्याच्या वडिलांनी त्याला अनेकदा समजावण्याचा प्रयत्न केला आणि बहराइचमधील हुजूरपूर पोलीस ठाण्यात सायबर गुन्हेगारांविरुद्ध तक्रार दाखल केली. असे असूनही, धकम्या सुरूच राहिल्या. रविवारी, शिवाने त्याचा काका, रणजीत यांच्याकडे एक हजार रुपयांची मागणी केली. त्याच्या काकांनी ऑनलाइन पैसे पाठवले, मात्र हॅकर्सने अती करण्यास सुरू केले. 

हॅकर्सने अश्लील फोटो आणि व्हिडिओ पालकांच्या मोबाइवर पाठवले

हॅकर्सने शिवाचे अश्लील फोटो आणि व्हिडिओ त्याच्या आई वडिलांना मोबाइलवर पाठवले. यामुळे तो विद्यार्थी अधिकच मानसिकदृष्ट्या खचून गेला होता. त्याला स्वत:ला आणि कुटुंबाच्या सामाजिक प्रतिष्ठेची अधिक काळजी वाटू लागली होती. त्याच रात्री रविवारी खोलीस शिवाने गळफास घेत जीवन संपवलं. जेव्हा त्याचा रूममेट दीपक गोस्वामी खोलीत पोहोचला, तेव्हा दरवाजा आतून बंद होता. अनेकदा हाक मारूनही कोणताही प्रतिसाद मिळाला नाही. जेव्हा त्याने खिडकीतून डोकावून पाहिले, तेव्हा त्याला शिवाचा मृतदेह फासाला लटकलेल्या स्वरूपात आढळला होता. घटनेची माहिती मिळताच, फॉरेन्सिक पथकाने घटनास्थळी पोहोचले आणि पुरावे गोळा केले, तसेच मोबाइल फोन देखील जप्त केला. 

हे ही वाचा : Astrology : शनीच्या नक्षत्रातील बदल, 'या' राशींचे भाग्य उजळेल

या प्रकरणात अद्याप तक्रार दाखल झालेली नाही. मोबाइल फोन जप्त करण्यात आला असून तपास सुरू आहे. तक्रार मिळाल्यानंतर आणि तपासातून तथ्य समोर आल्यावर गुन्हा दाखल करन कारवाई केली जाणार आहे.