पतीला चाकूचे वार करुन संपवलं, आतडे पिशवीत भरणार इतक्यात घरमालक आला अन्...

हेही वाचा : ट्रेनमधील सुटकेसमध्ये मृतदेहाचे तुकडे सापडले; पोलीसांनी CCTV च्या मदतीने दोघांचं घरं गाठलं

आतडे पिशवीत ठेवण्याचा प्रयत्न अन् घरमालक आला

घरमालक रिंकू यांच्या म्हणण्यानुसार, शनिवारी सायंकाळी सुमारे 5 वाजता त्यांना राजेश आणि विमला यांच्यात भांडण सुरू असल्याचे ऐकू आले. त्यानंतर ते पाहण्यासाठी वर गेले. त्यावेळी राजेश रक्ताच्या थारोळ्यात पडलेला दिसला. त्याच्या पोटावर गंभीर जखमा झाल्या होत्या. रिंकू यांनी पोलिसांना दिलेल्या माहितीनुसार, विमला राजेशच्या शरीरातून बाहेर आलेली आतडे एका पिशवीत ठेवण्याचा प्रयत्न करत होती. रिंकू यांना पाहिल्यानंतर विमलाने छतावरून उडी मारल्याचेही त्यांनी सांगितले.

हेही वाचा : कुणाल चांदगुडेच्या मावशीचा संताप, सोशल मीडियावरील व्हिडिओ पाहून केली 'ती' विनंती

यकृताचा मोठा भाग आणि उजवे मूत्रपिंड गायब

घटनेची माहिती मिळाल्यानंतर पोलिसांनी घरातून वेगवेगळ्या आकाराचे तीन चाकू जप्त केले. घटनास्थळावरून फॉरेन्सिक पुरावेही गोळा करण्यात आले आहेत. शवविच्छेदन अहवालात राजेशच्या जखमांची तीव्रता समोर आली. त्याच्या पोटावर सुमारे 35 सेंटीमीटरची जखम असल्याचे सांगण्यात आले. अंतर्गत अवयवांनाही गंभीर दुखापत झाली होती. त्याची आतडी शरीरातून बाहेर आल्याचे शवविच्छेदनात आढळले. तसेच त्याच्या यकृताचा मोठा भाग आणि उजवे मूत्रपिंड गायब असल्याचेही तपासणीत आढळल्याचे सांगण्यात आले.

या घटनेनंतर विमला देवीला पोलिसांनी ताब्यात घेतले आहे. छतावरून उडी मारल्याने झालेल्या दुखापतींवर तिच्यावर उपचार सुरू आहेत. राजेशच्या हत्येमागील नेमके कारण आणि परिस्थितीचा पोलीस तपास करत आहेत. या प्रकरणात पोलिसांनी घटनास्थळावरून तीन चाकू आणि फॉरेन्सिक पुरावे ताब्यात घेतले असून, हत्येच्या कथित घटनेबाबत पुढील तपास सुरू आहे.