ट्रेनमधील सुटकेसमध्ये मृतदेहाचे तुकडे सापडले; पोलीसांनी CCTV च्या मदतीने दोघांचं घरं गाठलं

हेही वाचा : इथेनॉलवर जडला जीव, पण साखरेने केला गेम! मोदी सरकार साखर स्वस्त करणार की नाही?

सुटकेसमध्ये मृतदेह कोणी आणि कधी ठेवला? 

या प्रकरणाचा तपास करताना पोलिसांना महत्त्वाची माहिती मिळाली. एका पुरुष आणि महिलेने लाल सुटकेस चेन्नई सेंट्रल रेल्वे स्थानकात आणला होता. दोघेही CCTV कॅमेऱ्यात दिसले. त्यांनी हा सुटकेस दिल्लीला जाणाऱ्या तमिळनाडू एक्स्प्रेसमध्ये ठेवला. त्यानंतर पोलिसांनी CCTV फुटेज तपासून या दोघांचा शोध सुरू केला.

हेही वाचा : महाराष्ट्र हळहळला, नवजात बालकांच्या ICU मध्ये व्हेंटिलेटरचा स्फोट, 3 बाळांचा मृत्यू

मृतदेहाचे तुकडे बिर्याणी बनवण्याच्या भांड्यात ठेवले

पोलिसांचा तपास चेन्नईतील गुडुवनचेरी भागातील एका भाड्याच्या घरापर्यंत पोहोचला. पोलिसांच्या प्राथमिक तपासानुसार, महिलेची हत्या याच घरात झाल्याची शक्यता आहे. तिचा मृतदेह घराच्या छताला लटकलेल्या अवस्थेत असल्याचे पोलिसांनी सांगितले. मृतदेहाचे काही तुकडे बिर्याणी बनवण्यासाठी वापरल्या जाणाऱ्या मोठ्या भांड्यात ठेवण्यात आले होते, असेही तपासात समोर आले आहे.

या प्रकरणातील पुरुष आणि महिलेची ओळख अद्याप समोर आलेली नाही. त्यांचे एकमेकांशी काय नाते आहे, हेही स्पष्ट झालेले नाही. मृत महिलेची ओळख पटवण्याचे काम सुरू आहे. त्यासाठी CCTV फुटेज, रेल्वे रेकॉर्ड आणि फॉरेन्सिक तपासाची मदत घेतली जात आहे. महिलेची हत्या कोणी केली आणि त्यामागचे कारण काय होते, हे अद्याप स्पष्ट झालेले नाही.