झाडाला लटकलेला, सडलेल्या अवस्थेत सापडला नेपाळी युवकाचा मृतदेह, सिंधुदुर्ग हादरलं, घटना काय?

हे ही वाचा >> Maharashtra Weather: कोकणासह पुणे आणि साताऱ्याच्या घाटमाथ्यावर पाऊस घालणार धुमाकूळ, जाणून घ्या आजचं हवामान

मालवण पोलीस ठाण्याच्या एका अधिकाऱ्यानं सांगितलं की, मृत युवक कट्टा गावातील एका हॉटेलमध्ये काम करत होता आणि तो गेल्या काही दिवसांपासून बेपत्ता होता. शनिवारी एका स्थानिक ग्रामस्थाला जंगलातून जाताना झाडावर लटकलेला मृतदेह दिसला. त्यानं तात्काळ पोलिसांना माहिती दिली. पोलीस पथकाने घटनास्थळी धाव घेऊन मृतदेह ताब्यात घेतला. मृतदेह इतका सडलेला होता की चेहरा ओळखणं कठीण झालं होतं. परंतु जवळच पडलेल्या मोबाइल फोनमुळे युवकाची ओळख निश्चित झाली.

पोलिसांनी मृतकाच्या कुटुंबीयांना आणि हॉटेल व्यवस्थापनाला याबाबत माहिती दिली आहे. प्राथमिक तपासात ही आत्महत्या असल्याचे दिसत असले, तरी पोस्टमॉर्टम अहवाल आणि फॉरेन्सिक तपासानंतर मृत्यूचे नेमके कारण स्पष्ट होईल. मृतदेहाच्या स्थितीवरून मृत्यू काही दिवसांपूर्वी झाला असावा, असा अंदाज पोलिसांनी व्यक्त केला आहे.

हे ही वाचा >> Mumbai Weather: मुंबई, ठाण्यात यलो अलर्ट! 'या' भागात पाऊस करणार जोरदार बॅटिंग; कोणत्या ठिकाणी पाणी साचणार?

पोलीस आता युवक जंगलात कसा पोहोचला आणि त्याने हे पाऊल का उचलले, यामागील परिस्थितीचा तपास करत आहेत. हॉटेल व्यवस्थापन आणि सहकाऱ्यांकडूनही माहिती गोळा केली जात आहे. अधिक तपास सुरू आहे.