इंस्टाग्रामवर मुलगी बनून भेटायला बोलवून हत्या, EX गर्लफ्रेंडच्या नव्या प्रियकराचं कांड

हेही वाचा : 42 वर्षांनंतर देसाई कुटुंबाचा सदस्य जिल्हा बँकेत; शंभूराज देसाईंनी केला सत्यजित पाटणकरांचा पराभव

पूर्वीच्या प्रेयसीचे आता दुसऱ्या मुलासोबत प्रेमसंबंध 

मृत अभिराम रविवारी संध्याकाळपासून बेपत्ता होता. तो घरी परतला नसल्याने कुटुंबीयांनी त्याचा शोध घेण्यास सुरुवात केली. अभिराम बेपत्ता असल्याची माहिती पोलिसांना देऊनही सुरुवातीला आवश्यक कारवाई झाली नसल्याचा आरोप त्याच्या कुटुंबीयांनी केला आहे. दरम्यान, काही वेळाने त्याच्या हत्येचे प्रकरण उघडकीस आले. पोलिसांच्या माहितीनुसार, या हत्येतील मुख्य संशयितही 17 वर्षांचा आहे. त्याच्या पूर्वीच्या प्रेयसीचे आता दुसऱ्या मुलासोबत प्रेमसंबंध होते. हा मुलगा अभिरामचा मित्र होता. त्यामुळे संशयिताला त्याला भेटायचे होते. यासाठी त्याने आपल्या सध्याच्या प्रेयसीच्या इंस्टाग्राम खात्याचा वापर केला. या खात्यावरून त्याने मुलगी असल्याचे भासवत अभिरामशी संवाद साधला आणि त्याला भेटण्यासाठी बोलावले. अभिरामला आपण एका मुलीला भेटायला जात आहोत, असे वाटले होते.

हेही वाचा : 42 वर्षांनंतर देसाई कुटुंबाचा सदस्य जिल्हा बँकेत; शंभूराज देसाईंनी केला सत्यजित पाटणकरांचा पराभव

एका नाल्यासारख्या ठिकाणाजवळ मृतदेह टाकण्यात आला

अभिराम ठरलेल्या ठिकाणी पोहोचल्यानंतर त्याला तिथे मुलगी नव्हे, तर संशयित मुलगा भेटला. त्यानंतर त्याने अभिरामवर आपल्या मित्राला फोन करून तिथे बोलावण्यासाठी दबाव टाकला. संशयिताला आपल्या पूर्वीच्या प्रेयसीच्या सध्याच्या प्रियकराला भेटायचे होते. मात्र, अभिरामचा मित्र तिथे आला नाही. त्यामुळे अभिरामने तिथून निघण्याचा प्रयत्न केला. त्याच वेळी संशयिताने त्याच्यावर हल्ला केल्याचे पोलिसांनी सांगितले. संशयिताच्या जबाबानुसार, त्याने दगडाने अभिरामच्या डोक्यावर वार केले. त्यानंतर गळा आवळून त्याची हत्या केली. या घटनेनंतर मृतदेहाची विल्हेवाट लावण्यासाठी त्याने 22 वर्षीय उमर याला फोन करून मदत मागितली. त्यानंतर दोघांनी अभिरामचा मृतदेह एका पोत्यात भरला. लोकांची वर्दळ कमी असलेल्या ठिकाणी मृतदेह टाकण्याचा त्यांनी प्रयत्न केला. एका नाल्यासारख्या ठिकाणाजवळ मृतदेह टाकण्यात आला. याच परिसरातून नंतर अभिरामचा मृतदेह पोलिसांना आढळून आला.

या प्रकरणात पोलिसांनी मुख्य संशयितासह दोघांना अटक केली आहे. तर एका मुलीला ताब्यात घेऊन तिची चौकशी केली जात आहे. हत्येच्या संपूर्ण घटनाक्रमाचा पोलीस तपास करत आहेत. प्राथमिक माहितीनुसार, संशयिताच्या पूर्वीच्या प्रेयसीचे दुसऱ्या मुलासोबत असलेले प्रेमसंबंध हे या हत्येमागील कारण असल्याचे सांगितले जात आहे. अभिराम हा संबंधित मुलाचा मित्र असल्याने संशयिताने त्याचा वापर त्या मुलापर्यंत पोहोचण्यासाठी केला. मात्र, अपेक्षित मुलगा भेटायला न आल्याने अभिरामवर हल्ला करण्यात आला. इंस्टाग्रामच्या माध्यमातून मुलगी असल्याचे भासवून भेटायला बोलावणे, त्यानंतर त्याच्यावर हल्ला करणे आणि मृतदेहाची विल्हेवाट लावण्याचा प्रयत्न करणे, असा घटनाक्रम या प्रकरणात समोर आला आहे. सध्या पोलीस या प्रकरणाचा पुढील तपास करत आहेत.