भावासाठी जेवण बनवलं, अन् नंतर आली मृत्यूची बातमी..., दिव्यांकासोबत काय घडलं?

स्टारडमचा प्रवास आणि सोशल मीडियावरील जबरदस्त क्रेझ

दिव्यांका आपल्या कुटुंबाच्या अत्यंत जवळ होती. अभिनयाच्या क्षेत्रात येण्यापूर्वी तिने काही काळ नोकरीही केली होती, परंतु स्वतःच्या मेहनतीने तिने अल्पावधीतच हरियाणाच्या सिनेक्षेत्रात वेगळी ओळख निर्माण केली. सोशल मीडियावर तिची प्रचंड लोकप्रियता होती आणि इन्स्टाग्रामवर तिचे 13 लाखांहून अधिक फॉलोअर्स होते. सुनंदा शर्माच्या "मेरी मम्मी नू पसंद नी तू" या गाण्यावरील तिच्या व्हिडिओने तिला रातोरात प्रसिद्धी मिळवून दिली होती. चाहत्यांमध्ये तिची साधी राहणी आणि व्हिडिओ बनवण्याची अनोखी शैली नेहमीच चर्चेचा विषय असायची. तिच्या अशा अचानक जाण्याने तिच्या लाखो चाहत्यांना मोठा धक्का बसला आहे.

50 हून अधिक गाणी आणि दिग्गज कलाकारांसोबत काम

दिव्यांकाने आपल्या कारकिर्दीत 50 पेक्षा जास्त हरियाणाच्या गाण्यांमध्ये काम केले होते. तिने मासूम शर्मा, अमित सैनी रोहतकिया आणि केडी यांसारख्या उद्योगातील दिग्गज कलाकारांसोबत स्क्रीन शेअर केली होती. सिरसा येथील जेसीडी कॉलेजमध्ये मासूम शर्मासोबत झालेल्या तिच्या लाईव्ह शोने तिच्या लोकप्रियतेत मोठी भर घातली होती, ज्यामुळे ती घराघरात पोहोचली होती. मात्र, या यशाच्या शिखरावर असतानाच तिची प्राणज्योत मालवली. दिव्यांकाच्या निधनाचे नेमके कारण अद्याप स्पष्ट झालेले नाही. सुरुवातीला हा 'हार्ट अटॅक' असावा अशी शक्यता वर्तवली जात असली तरी, तिच्या शरीरावरील सूज आणि डोक्याला लागलेली जखम यामुळे अनेक प्रश्न उपस्थित होत असून तपास अद्याप सुरू आहे.

कलाविश्वातून श्रद्धांजली आणि अंतिम निरोप

बुधवारी दिव्यांका सिरोहीवर अंत्यसंस्कार करण्यात आले, यावेळी तिचे कुटुंबीय, नातेवाईक आणि चाहत्यांचे डोळे पाणावले होते. कलाकार मंजीत याच्यासह अनेक सेलिब्रिटींनी सोशल मीडियाच्या माध्यमातून तिला श्रद्धांजली वाहिली आहे. एका हसत्या-खेळत्या कलाकाराचे असे अचानक जाणे ही म्युझिक इंडस्ट्रीसाठी कधीही भरून न निघणारी हानी मानली जात आहे. दिव्यांकाने आपल्या कारकिर्दीत जे स्थान मिळवले होते, ते पाहता तिचे जाणे सर्वांच्याच जिव्हारी लागले आहे. पोलीस आता या प्रकरणातील वैद्यकीय अहवालाची प्रतीक्षा करत असून त्यानंतरच तिच्या मृत्यूमागील वास्तविक कारणाचा उलगडा होऊ शकेल.

इतर महत्त्वाच्या बातम्या 

'सी माय बनाना', फोटो पाठवून अशरफचे तरुणीला अश्लील मेसेज, म्हणाला; 'आता हिंदू मुलींना मुस्लिम मुलं आवडतात'