Mumbai : घरात भांडण झालं अन् पब्लिक टॉयलेटमध्ये घेतला गळफास, अंधेरीतील घटना

-दीपेश त्रिपाठी, मुंबई

Mumbai Crime News : महाराष्ट्राची राजधानी मुंबईत एक धक्कादायक घटना समोर आली आहे. एका व्यक्तीने सार्वजनिक शौचालयात गळफास लावून आत्महत्या केली. रिपोर्टनुसार, ही घटना मुंबईतील अंधेरी भागातील सार्वजनिक शौचालयात घडली आहे. (A man committed suicide in a public toilet in Andheri area of Mumbai)

सार्वजनिक शौचालयात आत्महत्या करणाऱ्या व्यक्तीचे त्याच्या कुटुंबीयांशी भांडण झाले होते. त्यानंतर व्यक्ती घरातून बाहेर पडला. टॉयलेटमध्ये गेल्यानंतर त्याने आत्महत्या केली. पोलिसांनी या प्रकरणी एफआयआर नोंदवला असून तपास सुरू आहे.

सी-लिंक वरून उडी मारून केली होती आत्महत्या

याआधी जुलै महिन्यात मुंबईतील वांद्रे-वरळी सी लिंकवरून एका व्यक्तीने उडी मारून आत्महत्या केली होती. पोलिसांनी दिलेल्या माहितीनुसार, एक व्यक्ती कारमधून वांद्रे-वरळी सी लिंकवरून जात होती. गाडी पुलाच्या मध्यभागी आल्यावर त्याने गाडी थांबवली आणि थेट समुद्रात उडी घेतली.

नागपूरमध्ये विद्यार्थ्याची आत्महत्या

जुलै महिन्यातच महाराष्ट्रातील नागपुरात एका विद्यार्थ्याने आत्महत्या केली होती. वडिलांनी त्याच्याशी बोलणे बंद केल्याने एका 14 वर्षीय मुलाने गळफास लावून आत्महत्या केली.

समजून घ्या >> Maratha Reservation : तामिळनाडूत 69 टक्के आरक्षण, मग महाराष्ट्रात का अशक्य?

या प्रकरणाबाबत पोलिसांनी सांगितले होते की, एका 14 वर्षाच्या मुलाने आत्महत्या केली आहे. मुलाच्या वडिलांनी त्याला अभ्यासात रस नसल्याने त्याच्याशी बोलणे बंद केले होते. हा मुलगा शांती नगर, नागपूरचा रहिवासी होता. वडील काही कामानिमित्त बाहेर गेले असताना त्यांनी गळफास लावून घेतला.

हेही वाचा >> Shiv Sena च्या युती-आघाडीचा काय आहे इतिहास, कसं वापरलंय धक्कातंत्र?

पहिल्या मजल्यावरील खोलीत मुलाने टॉवेलच्या साहाय्याने गळफास लावून घेतला होता. त्यांना तातडीने मेयो रुग्णालयात नेण्यात आले, मात्र डॉक्टरांनी त्यांना मृत घोषित केले. त्याचे अभ्यासात लक्ष नसल्यामुळे आणि ट्यूशन सोडल्यामुळे त्याच्या वडिलांनी त्याच्याशी बोलणे बंद केल्याचे पोलिसांच्या प्राथमिक तपासात समोर आले आहे.