रात्री मुलींच्या PG मध्ये शिरला अन् प्रेयसीवर गोळी झाडून हत्या... नेमकं प्रकरण काय?

आरोपीने त्याच्या पीजी मध्ये घुसून प्रेयसीवर गोळी झाडून तिला संपवल्याचं वृत्त आहे. तरुणीच्या हत्येनंतर आरोपी प्रियकर घटनास्थळावरून फरार झाला.

पीजी मध्ये प्रेयसीवर गोळी झाडून हत्या...

पीजी मध्ये प्रेयसीवर गोळी झाडून हत्या...

मुंबई तक

• 10:29 AM • 29 Nov 2025

follow google news

बातम्या हायलाइट

point

रात्री मुलींच्या PG मध्ये शिरला अन्...

point

प्रियकराने प्रेयसीवर गोळी झाडून केली निर्घृण हत्या

Crime News: एका तरुणाने पीजी मध्ये घुसून आपल्या 25 वर्षीय प्रेयसीची निर्घृण हत्या केल्याची बातमी समोर आली आहे. आरोपीने त्याच्या प्रेयसीवर गोळी झाडून तिला संपवल्याचं वृत्त आहे. तरुणीच्या हत्येनंतर आरोपी प्रियकर घटनास्थळावरून फरार झाला. संबंधित प्रकरणाची पोलिसांनी माहिती मिळताच त्यांनी घटनास्थळी पोहोचून मृतदेह ताब्यात घेतल्याची माहिती आहे. ही भयानक घटना नोएडामधील याकूबपुर गावात घडली. आता प्रकरणाचा तपास सुरू असल्याचं सांगितलं जात आहे. 

हे वाचलं का?

प्रेयसीवर गोळी झाडून हत्या 

पोलीस अधिकाऱ्यांनी दिलेल्या माहितीनुसार, घटनेतील 25 वर्षीय सोनू नावाची पीडिता ही याकूबपुर गावात पीजी मध्ये राहत होती. तिचे कृष्णा नावाच्या तरुणासोबत प्रेमसंबंध होते. शुक्रवारी (28 नोव्हेंबर) रात्री कोणत्या तरी कारणावरून त्या दोघांमध्ये मोठा वाद झाला. मात्र, किरकोळ कारणामुळे जोडप्यात झालेला वाद टोकाला पोहोचला आणि रागाच्या भरात कृष्णाने त्याच्या प्रेयसीवर गोळी झाडून तिची हत्या केली. पोलिसांनी या प्रकरणाबाबत सांगितलं की, घटनेची माहिती मिळताच पोलीस घटनास्थळी पोहोचले आणि त्यांनी मृतदेह ताब्यात घेतला. हत्येनंतर, आरोपी घटनास्थळावरून फरार झाला असून पोलिसांचे पथक त्याच्या शोधासाठी प्रयत्न करत आहेत. 

हे ही वाचा: छत्रपती संभाजीनगर : शेकोटीतून ठिणगी उडून कपड्यावर पडली अन् पेट घेतला, वृद्धाच्या दुर्दैवी मृत्यूने हळहळ

सीसीटीव्ही फुटेजवरून महत्त्वाचे पुरावे 

मिळालेल्या माहितीनुसार, मृत तरुणी आणि आरोपी एकाच ठिकाणी नोकरीसाठी होते. तिथेच, त्या दोघांमध्ये प्रेमसंबंध सुरू झाले. परंतु, मागील काही दिवसांपासून त्यांचे कोणत्या तरी कारणावरून सतत एकमेकांसोबत वाद व्हायचे. आता, पोलीस सर्व बाजूंनी घटनेचा तपास करत आहेत. तसेच, सीसीटीव्ही फुटेजवरून पोलिसांना आरोपीविरुद्ध काही महत्त्वाचे पुरावे सापडल्याचं सांगितलं जात आहे. 

हे ही वाचा: अंतवस्त्रात 6 किलो सोनं ठेवलं, मुंबई सेंट्रल रेल्वे स्थानकात पोहोचले, गुप्तचर यंत्रणेला कुणकुण लागली अन्...

लवकरच आरोपीला अटक केली जाणार असल्याचा पोलिसांनी दावा केला आहे. या धक्कादायक घटनेने संपूर्ण गाव हादरून गेलं आहे. या घटनेबाबत स्थानिकांमध्ये सुद्धा वेगवेगळ्या चर्चा रंगत असल्याचं सांगितलं जात आहे. सोनू ही घरकाम करत होती. पीडितेची अशा पद्धतीने हत्या करण्यात आल्याने कुटुंबियांना सुद्धा मोठा धक्का बसला आहे. 

    follow whatsapp