अंतवस्त्रात 6 किलो सोनं ठेवलं, मुंबई सेंट्रल रेल्वे स्थानकात पोहोचले, गुप्तचर यंत्रणेला कुणकुण लागली अन्...

या प्रकरणात मोहम्मद सातिक आणि कलंदर अझरुद्दीन या दोघांना अटक करण्यात आली आहे. दोघेही साधारण 25 वर्षांचे तरुण असल्याचे समोर आले आहे. सोन्याच्या तस्करीच्या या रॅकेटमध्ये दोघांची भूमिका काय होती, तसेच ते कोणाकडे सोने सुपूर्द करणार होते, याबाबतचा तपास सध्या सुरू आहे.

हेही वाचा : विकृत भेळपुरीवाल्याचं महिलेसोबत लिव्ह इन रिलेशनशिप, गर्लफ्रेंडच्याच 13 वर्षीय चिमुरडीवर वर्षभर नको तेच केलं...

डीआरआय अधिकाऱ्यांना गुप्त माहिती मिळाली होती की, मुंबई सेंट्रल रेल्वे स्थानकाजवळ दोन जण तस्करी केलेले सोने देण्यासाठी येणार आहेत. त्यानंतर अधिकाऱ्यांनी त्या परिसरात पाळत ठेवत एक विशेष सापळा रचला. ठरलेल्या वेळेनुसार संशयित दोघेही स्टेशनजवळ पोहोचताच त्यांना थांबवून चौकशी करण्यात आली. अधिकाऱ्यांना त्यांच्या हालचाली संशयास्पद वाटल्याने तपासणी करण्यात आली असता दोघांनीही अंतर्वस्त्रामध्ये मोठ्या कौशल्याने लपवलेले सोन्याचे पॅकेट आढळून आले. त्यानंतर त्यांना तत्काळ ताब्यात घेण्यात आले. या प्रकरणात सोन्याचा स्त्रोत, तस्करीची पद्धत, तसेच मागील रॅकेटशी असलेले संबंध याचा तपास सुरू आहे.