लिव्ह-इन-पार्टनरसोबत दारू प्यायला बसला अन् अचानक वाद पेटला! गाडीतच महिलेसोबत भयंकर कृत्य...

लिव्ह-इन-पार्टनरच्या पैशाने घर खरेदी केलं... 

पोलिसांनी दिलेल्या माहितीनुसार, आरोपी तरुणाचं नाव वीरेंद्र आहे आणि तो जवळपास 35 वर्षांचा आहे. तसेच, तो आधीच विवाहित असून त्याला दोन मुलं सुद्धा आहेत. विवाहित असून सुद्धा तो मागील दोन वर्षांपासून एका महिलेसोबत लिव्ह-इन-रिलेशनशिपमध्ये राहत होता. नुकतंच, त्याने महिलेने तिचं स्वत:चं घर विकलं होतं आणि त्यातून तिला 21 लाख रुपये मिळाले होते. त्याच पैशातून वीरेंद्रने ऑगस्ट महिन्यात छावला येथील तीन मजली घर आपल्या नावावर खरेदी केलं. त्यानंतरच, दोघांमध्ये सतत वाद होण्यास सुरूवात झाली. पीडित महिला वारंवार त्याच्या लिव्ह-इन-पार्टनरकडे पैशांची मागणी करत होती. परंतु, आरोपी वीरेंद्रला ते पैसे अजिबात परत करायचे नव्हते. या पैशांवरूनच दोघांमध्ये सतत भांडणे व्हायची. 

गळा दाबून महिलेची हत्या 

25 नोव्हेंबर रोजी रात्री वीरेंद्रने त्याच्या लिव्ह-इन-पार्टनरसोबत दारू प्यायली. दारूची नशा चढता-चढता दोघांमधील वाद सुद्धा पेटला. अखेर, दारूच्या नशेमुळे वीरेंद्रचं स्वत:वरचं नियंत्रण सुटलं आणि रागाच्या भरात त्याने महिलेचा गळा दाबून तिची हत्या केली. 

हे ही वाचा: रात्री मुलींच्या PG मध्ये शिरला अन् प्रेयसीवर गोळी झाडून हत्या... नेमकं प्रकरण काय?

मृतदेह गाडीतच ठेवला अन् दारू पिऊ झोपी गेला 

या हत्येनंतर आरोपीने स्वत:चा गुन्हा लपवण्याचा प्रयत्न केला. त्याने त्याच्या एका मित्राला आणि मैत्रिणीला फोन केला आणि घटनास्थळी बोलवून घेतलं. त्यानंतर, दोघेही आरोपीच्या घरी आल्यानंतर, त्यांनी मिळून महिलेचा मृतदेह कारजवळ नेला. मृतदेह घरापासून दूर अंतरावर नेऊन तो टाकून देण्याची योजना होती. पण दारूच्या नशेत वीरेंद्रला शंभर मीटरपर्यंतच गाडी चालवू शकला. त्याने तिथेच गाडी थांबवली आणि पुन्हा घरी परतला. दरम्यान, त्याने आपल्या लिव्ह-इन-पार्टनरचा मृतदेह गाडीतच सोडला. त्यानंतर, तो वरच्या मजल्यावर त्याच्या खोलीत गेला आणि पुन्हा दारू पिऊन गाढ झोपी गेला. 

हे ही वाचा: कोल्हापूर : महिलेसोबत रुममध्ये सापडला शिक्षक, नातेवाईकांकडून बेदम मारहाण; नग्नावस्थेत बांधलं अन्..

दुसऱ्या दिवशी सकाळी आरोपीच्या नातेवाईकांनी कारमध्ये संबंधित महिलेचा मृतदेह पाहिला आणि लगेच पोलिसांना फोन केला. त्यानंतर, पोलीस तातडीने घटनास्थळी पोहोचले आणि मृतदेह पोस्टमॉर्टमसाठी पाठवला. तपासादरम्यान, पोलीस वीरेंद्रच्या घरी पोहोचले. त्यावेळी, आरोपी त्याच्या खोलीत झोपला होता. पोलिसांनी आरोपी वीरेंद्रला अटक केली असून उर्वरित दोन्ही आरोपींचा शोध घेण्यास सुरू आहे. सध्या, या प्रकरणाचा सर्व बाजूंनी तपास केला जात आहे.