मनोज सानेला होती सेक्सची चटक, म्हणून सरस्वतीला… फोनमध्ये सापडले पॉर्न Video

मुंबई: मीरारोड (Mira Road Murder) येथील लिव्ह-इन पार्टनर सरस्वती वैद्य (Saraswati Vaidya) हिची हत्या करणाऱ्या मनोज सानेबाबत (Manoj Sane) आता अत्यंत धक्कादायक गोष्टी समोर येत आहे. आतापर्यंत मनोज साने पोलिसांना असं सांगत होता की, सरस्वतीने आत्महत्या केली होती आणि त्यामुळे घाबरून त्याने सरस्वतीच्या मृतदेहाचे तुकडे केले. मात्र, हा जबाब तो दिशाभूल करण्यासाठी देत असल्याचं पोलीस सांगत आहेत. पण आता सरस्वतीच्या हत्येमागचं नेमकं कारण समोर आलं आहे. यामागे खरं कारण म्हणजे मनोज साने याला लैंगिक संबंधांचे व्यसन (Sex Addict) लागले होते. याच गोष्टीवरून सरस्वती आणि मनोजमध्ये झालेल्या वादातून मनोजने तिची हत्या केली असावी असा प्राथमिक अंदाज पोलीस व्यक्त करत आहेत. (manoj sane live in relationship saraswati vaidya murder sex addiction dating app porn website mobile)

मिळालेल्या माहितीनुसार, मनोज साने हा डेटिंग अ‍ॅपच्या माध्यमातून काही महिला आणि मुलींच्या ताब्यात असल्याचं समोर आलं आहे. याच मुद्द्यावर सरस्वती आणि मनोज सानेमध्ये भांडण होऊन मनोजने तिची निर्घृण हत्या केल्याचा अंदाज पोलिसांनी वर्तवला आहे. मनोज साने हा लैंगिक संबंधांच्या आहारी गेला होता. त्यामुळे तो सातत्याने अश्लील वेबसाइटवर सर्फिंग करत असल्याचेही आता पोलीस तपासात उघड झाले आहे.

हे ही वाचा >> किचनमधली दृश्य पाहून पोलिसांचीही तंतरली, मीरा रोड हत्याकांडाची FIR जशीच्या तशी!

सुरुवातीला मनोज साने हा डेटिंग अ‍ॅप्सवर सक्रिय होता. त्याच माध्यमातून अनेक तरुणींच्या तो संपर्कात होता. जेव्हा ही गोष्ट सरस्वती वैद्य हिला समजली तेव्हा ती प्रचंड चिडली. याच मुद्द्यावरुन दोघांमध्ये वादही झाला. ज्या वादातून मनोजने सरस्वतीची हत्या केली. याशिवाय मनोजचा मोबाइलही पोलिसांनी ताब्यात घेतला असून यामध्ये अनेक अश्लील फोटोही सापडले आहेत.

मनोज साने खरंच HIV पॉझिटिव्ह?

दरम्यान, आरोपी मनोज सानेने तो एचआयव्ही पॉझिटिव्ह असल्याचा मुद्दा देखील पुढे करून एक नवा डाव टाकण्याचा प्रयत्न केला होता. यावेळी त्याने असंही म्हटलं की, त्याने सरस्वतीशी कधीच शारीरिक संबंध ठेवले नाहीत. पोलीस अधिकाऱ्यांनी या सगळ्याबाबत मुंबई Tak शी बोलताना सांगितलं की, मनोज साने जे दावे करत आहे त्यावर अजिबात विश्वास ठेवता येणार नाही