10 वर्षांच्या चिमुकलीवर मंदिरात नेऊन सामुहिक बलात्कार; कपडे धुण्यासाठी विहिरीवर गेल्यानंतर नराधमांनी उचलून नेलं

कपडे धुण्यासाठी विहिरीवर गेल्यानंतर नराधमांनी उचलून नेलं 

मिळालेल्या माहितीनुसार, पीडित मुलगी आपल्या मोठ्या बहिणीसह गावाजवळील विहिरीवर कपडे धुण्यासाठी गेली होती. काही वेळाने मोठी बहीण कपडे धुऊन घरी परतली, तर चिमुकली तेथेच थांबली. त्याचवेळी दुचाकीवरून दोन युवक तेथे आले आणि त्यांनी पिण्यासाठी पाणी मागितले. परिसरा कोणीही नसल्याचे पाहून त्यांनी मुलीला जवळच असलेल्या मंदिरात नेले आणि तिच्यावर अत्याचार केला.

बराच वेळ उलटून गेल्यानंतरही मुलगी घरी न परतल्याने तिची बहीण तिला शोधत पुन्हा विहिरीकडे गेली. तेव्हा तिला मंदिरातून आपल्या बहिणीच्या किंकाळ्या ऐकू आल्या. ती ताबडतोब त्या दिशेने धावली असता, आरोपी युवक तिथून पळून गेले. मोठ्या बहिणीने ताबडतोब गावकऱ्यांना बोलावले आणि घटनेची माहिती पोलिसांना दिली.

हेही वाचा :  माझ्यावर दबाव टाकण्यासाठी कुटुंबियांविरोधात खटले दाखल केले, माजी सरन्यायाधीशांचे सनसनाटी आरोप

घटनेनंतर परिसरात मोठी खळबळ उडाली असून ग्रामस्थांनी संताप व्यक्त केला आहे. मथुराचे अपर पोलिस अधीक्षक अवनीश कुमार यांनी सांगितले की, “या प्रकरणात अज्ञात आरोपींविरुद्ध गुन्हा दाखल करण्यात आला असून त्यांचा शोध घेण्यासाठी विशेष पथक तयार केले आहे. मुलीचे वैद्यकीय परीक्षण करण्यात आले असून तपास जलदगतीने सुरू आहे.”

ही घटना मंदिरात घडल्याने समाजात संतापाचे वातावरण आहे. धार्मिक स्थळात अशा प्रकारचा घृणास्पद प्रकार घडल्याने लोकांनी दोषींना तातडीने अटक करून कठोर शिक्षा देण्याची मागणी केली आहे. पोलीस विभागाने आसपासच्या गावांतूनही आरोपींच्या हालचालींबाबत माहिती गोळा करण्यास सुरुवात केली आहे.

मानवतेला काळिमा फासणारी ही घटना मथुरासारख्या धार्मिक नगरीत घडल्याने संपूर्ण प्रदेशात संतापाची लाट पसरली आहे. प्रशासनाने पीडित परिवाराला पूर्ण न्याय देण्याचे आश्वासन दिले आहे.

इतर महत्त्वाच्या बातम्या 

माझ्यावर दबाव टाकण्यासाठी कुटुंबियांविरोधात खटले दाखल केले, माजी सरन्यायाधीशांचे सनसनाटी आरोप