CCTV: निखील कांबळे मागून आला आणि सिद्धारामचा घेतला जीव, कुऱ्हाडीचे वार घालतच बसला.. नेमकं असं घडलं तरी काय?

मृताचे नाव सिद्धाराम पंडित दहिटणे (वय 35, रा. केशेगाव ता. तुळजापूर) असे असून, आरोपीचे नाव निखिल सोमनाथ कांबळे (वय 25, रा. केशेगाव) असे आहे. पोलिसांनी घटनास्थळावरून आरोपीला काही तासांतच ताब्यात घेतले आहे.

नेमकी घटना कशी घडली?

मिळालेल्या माहितीनुसार, शनिवारी सकाळी सिद्धाराम दहिटणे हा केशेगाव येथील चावडी चौकातील एका हॉटेलजवळ खुर्चीवर बसून मोबाईल पाहत होते. त्याचवेळी आरोपी निखिल कांबळे हा मोटारसायकलवरून त्या ठिकाणी आला आणि हातातील कुऱ्हाड घेऊन मागून अचानक सिद्धाराम यांच्यावर हल्ला चढविला.

त्याने त्यांच्या मानेवर व शरीरावर सलग सात ते आठ कुऱ्हाडीचे वार करत त्यांना गंभीर जखमी केले. या जबर हल्ल्यात सिद्धाराम दहिटणे हे जागीच मृत्यूमुखी पडले. आरोपी हल्ला करून लगेच मोटारसायकलवरून घटनास्थळावरून पसार झाला.

पोलिसांची तत्पर कारवाई

घटनेची माहिती मिळताच नळदुर्ग पोलीस ठाणे तसेच इटकळ आऊट पोस्टचे अधिकारी घटनास्थळी दाखल झाले. पळून जाणाऱ्या आरोपी निखिल कांबळे याला पोलिसांनी काही अंतरावरूनच ताब्यात घेतले. सध्या आरोपीवर खुनाचा गुन्हा दाखल करून पुढील तपास सुरू आहे.

पूर्वीचा वाद कारणीभूत?

या घटनेमागे गावातील मागील भांडणातील वाद कारणीभूत असल्याची प्राथमिक माहिती पोलिसांकडून समोर येत आहे. तसेच या संपूर्ण घटनेचा सीसीटीव्ही फुटेज मिळाल्याचे पोलीस सूत्रांनी सांगितले आहे. फुटेजमधील दृश्यं अत्यंत थरारक आणि हृदयद्रावक असल्याचे सांगितले जात आहे.