वकिलाने न्यायालयातच लोखंडी गजाला शालेनं घेतला गळफास, कर्मचारी जेवणाचा डब्बा घेऊन आले अन्...सुसाईड नोटबाबत पोलिसांचं मौन

हे ही वाचा : मुंबई हादरली! नवऱ्याला बायकोसोबत एकांत मिळेना, मुलगी यायची सतत नात्याच्याआड, नंतर गळा दाबून मृतदेह फेकला समुद्रात

नेमकं काय घडलं? 

व्ही. एल. चंदेल हे जानेवारी महिन्यात सरकारी वकील म्हणून परभणीतील वडवणी येथील न्यायालयात रुजू झाले होते. ते बुधवारी सकाळी 10 वाजता न्यायालयात आले असता, त्यांनी 10. 30 च्या सुमारास गळफास घेत आत्महत्या केली. कर्मचारी जेवणाचा डब्बा घेऊन आल्यानंतर या धक्कादायक प्रकरणाचा खुलासा झाला. यानंतर, वडणवी पोलिसांसह अपर पोलीस अधीक्षक चेतना तिडके यांनी घटनास्थळी धाव घेत तपास केला. तेव्हा मृतदेह ताब्यात घेत शवविच्छेदनासाठी स्थानिक आरोग्य केंद्रात पाठवला. 

पोलिसांकडून सुसाईड नोट देणं टाळलं 

दरम्यान, वकिलांनी आत्महत्येपूर्वी एक सुसाईड नोट लिहून ठेवली होती.  ही सुसाईड नोट पोलिसांनी जप्त केली आहे. याच सुसाईड नोटमध्ये वकिलाने आत्महत्येचं कारण लिहून ठेवलं होतं. पण, वडवणी पोलिसांकडे सुसाईड नोटची विचारपूस केली असता, त्यांनी सुसाईड नोट देणं टाळलं, अशी माहिती काही वृत्तमाध्यमांनी दिली आहे.  

हे ही वाचा : रात्र पाळीवरून पती आला घरी, बायको दीरासोबत रंगात आली, पतीनं विचारला जाब अन् भावानेच डोक्यात...

पोलिसांनी मृतदेहाच्या खिशात सुसाईड नोट सापडल्याचं सांगितलं. मात्र, त्यावर आताच बाष्य करणं गरजेचं नाही, असं सांगितलं. यामुळे वकिलांच्या आत्महत्येचं कारण अद्यापही समोर आलेलं नसल्याचं सांगण्यात येत आहे.