भाजप आमदाराच्या बंगल्यात घुसून गोंधळ, पोलिसांनाही शिवीगाळ पुण्यात चाललंय तरी काय?

हेही वाचा : पाकिस्तानात गेलेल्या नागपूरच्या 'त्या' महिलेला अटक, पोलिसांनी मध्यरात्री... प्रकरण काय?

दरम्यान, अटक करण्यात आलेल्या गुन्हेगाराचे नाव हे शंकर धुमाळ असून त्यांचे वय 47 वर्षे आहे. शंकर धुमाळ यांनी खडकवासल्याचे आमदार भीमराव तापकीर यांच्या घरात घुसण्याचा प्रयत्न केला. त्यानंतर त्याच्यासह इतर काहीं जणांनी पोलिसांना शिवीगाळ करत मारहाण करण्याची धमकी दिली. यानंतर आता आमदाराच्या सुरक्षेसाठी नेमण्यात आलेल्या सुरक्षा कर्मचारी अजित देवघरे यांनी पोलीस ठाण्यात तक्रार दाखल केली. 

नेमकं प्रकरण काय? 

आरोपी शंकर धुमाळ वारंवार आमदार भीमराव तापकीर यांच्या घराच्याबाहेर जाऊन गोंधळ घालायचा. त्याने तीन वेळा आमदारांच्या घरात घुसण्याचा प्रयत्नही केला. त्याला अनेकदा रोखण्याचा प्रयत्न करण्यात आला होता. आमदाराच्या सुरक्षारक्षकांसाठी असणाऱ्या पोलीस कर्मचाऱ्याला शिवीगाळ केली. त्यानंतर मारहाण केल्याची धमकीही देण्यात आली. 

या घटनेनंतर आमदारांच्या सुरक्षारक्षकाने सहकारनगर पोलीस ठाण्यामध्ये घटनेविरोधात तक्रार नोंदवली आहे. सुरूवातीला आरोपीवर किरकोळ स्वरूपाची कारवाई केली आहे. मात्र, यानंतर त्याने अनेकदा आमदारांच्या घरी घुसण्याचा प्रयत्न केला. अनेकदा पोलिसांना शिवीगाळ केली. त्यांच्या या कृत्याविरोधात आमदारांनी थेट पुणे पोलीस आयुक्त अमितेश कुमार यांना पत्र पाठवत लक्ष घालण्याची मागणी केली आहे. यावरुनच त्यांनाही अटक करण्यात आली आहे. 

हेही वाचा : कोयत्याचे 17 वार, सूर्यकांतने तडफडत जीव सोडला, बाप-लेकानं कुणाचंच ऐकलं नाही, वाद नेमका काय?

या प्रकारामुळे आमदार आणि त्यांच्या कुटुंबाच्या सुरक्षेवर प्रश्न निर्माण होत आहे. दरम्यान, पोलिसांनी आरोपीवर किरकोळ कारवाईचे आदेश दिले आहेत. आरोपी शंकर धुमाळ यांच्याविरोधात मुंबई दारूबंदी अधिनियम 58 (1), भारतीय दंड संहिता कलम 352, 351 (2), (3)132,333 आणि पोलीस अधिनियम 9122 अंतर्गत कलम 3 प्रमाणे गुन्हा दाखल करण्यात आला आहे. संबंधित प्रकरणात पोलीस पुढील तपास करत आहेत.