माय लेकीनं मिळून मयूरला गुंगीचं औषध दिलं, पुरावा नष्ट करण्यासाठी मृतदेहच पेटवला अन्... 

तासगाव शहरात वास्तव्यास असणारा तरुण मयुर रामचंद्र माळी (वय30) या तरुणाला त्याची आई संगीता रामचंद्र माळी (वय 50) आणि बहीण काजल माळी (वय19) या दोघींनी मयुरला गुंगीचं औषध दिलं. त्यानंतर माय लेकीने मिळून मयुरच्या डोक्यात दगड घालत त्याची निर्घृण हत्या केली. त्यानंतर माय लेकीनं  पुरावे नष्ट करण्यासाठी मृतदेह जाळून टाकला. 

हेही वाचा : कपलला अडवलं, खोट्या केसची धमकी देत लाच मागितली, पुढे असं काय घडलं की तीन पोलिसांनाच निलिंबित केलं?

संबंधित प्रकरणात पोलिसांना संशय आल्याने पोलिसांनी उलट तपासणी करण्यास सुरूवात केली. तपासादरम्यान, ही हत्या माय लेकीने मिळून केली असल्याची घटना उघडकीस आली. 

तासगाव शहरातील कासार गल्ली येथे मयुर हा सामाजिक कार्यकर्ता म्हणून कार्यरत होता. शुक्रवारी रात्रीच्या वेळी तो आपल्या मित्रमंडळींसोबत गप्पा मारत होता. त्यानंतर तो घरी गेला आणि दुसऱ्या दिवशी शनिवारी दुपारी साडेबाराच्या सुमारास आग लागल्याची घटना समोर आली. यावेळी तासगाव नगरपरिषदेची गाडी घटनास्थळी दाखल झाली होती आणि आगीवर नियंत्रण मिळवण्यात आलं. आग विजवल्यानंतर मयूरचा मृतदेह असल्याची माहिती समोर आली. 

हेही वाचा : मुलाने वडिलांचा जीव घेतला, ओढणीने गळा आवळला अन्... हत्येचं नेमकं कारण काय?

अशातच पोलिसांनी घटनास्थळी धाव घेत मृतदेह ताब्यात घेत शवविच्छेदनासाठी रुग्णालात दाखल करण्यात आला. यानंतर पोलिसांनी माय लेकीला तपासासाठी ताब्यात घेतलं. या तपासातून माय लेकीने मयूरला आधी गुंगीचं औषध दिलं आणि नंतर डोक्यात दगड घालत त्याची हत्या केल्याचं तपासातून समोर आलं. अशातच या प्रकरणात पोलीस अधिकचा तपास करत आहेत.