"जावयाने मुलीचं नाकच कापून टाकलं..." सासूने गंभीर आरोप करत पोलिसात केली तक्रार!

संबंधित घटनेसंदर्भात महिलेच्या आईने पोलिसात तक्रार दाखल केली असून पोलिसांनी तक्रारीच्या आधारे आरोपीविरुद्ध गुन्हा दाखल केला आहे. आता, पोलीस आरोपीचा शोध घेत आहेत. मिळालेल्या माहितीनुसार, राजेंद्र साहू नावाच्या तरुणाने सुनीता नावाच्या महिलेसोबत दहा वर्षांपूर्वी लग्न केलं होतं. या जोडप्याला तीन मुलं आहेत.

शिवीगाळ करत लाथा-बुक्क्यांनी मारहाण 

प्रकरणातील पीडितेच्या आईने पोलिसांना दिलेल्या माहितीनुसार, सोमवारी दुपारी जवळपास 4 वाजताच्या सुमारास राजेंद्र आणि सुनीतामध्ये काही कारणावरून मोठा वाद झाला. हा वाद इतका टोकाला पोहोचला की, राजेंद्रने रागाच्या भरात पीडितेसोबत भयानक कृत्य केलं. त्याने सुनीताला शिवीगाळ केली आणि निर्घृणपणे लाथा-बुक्क्यांनी तिला मारहाण केली.  त्यानंतर त्याने घरात असलेल्या धारदार शस्त्राने सुनीतावर हल्ला केला आणि तिचं नाक कापून टाकल्याचा आरोप आहे. या गंभीर हल्ल्यानंतर पीडिता रक्तबंबाळ अवस्थेत खाली कोसळली. 

हे ही वाचा: पालघर: धावत्या ट्रेनमधून भाचीला दिलं ढकलून! घटनेत तरुणीचा दुर्दैवी मृत्यू, पोलीस म्हणाले की...

धारदार शस्त्राने पत्नीचं नाकच कापलं...

घटनेचा आरडाओरडा ऐकून शेजारी राजेंद्रच्या घरी पोहोचले आणि सुनीताला तातडीने रुग्णालयात नेण्यात आलं. पीडितेच्या शरीरावरील गंभीर जखमा आणि अधिक रक्तस्त्राव लक्षात घेऊन डॉक्टरांनी तिला प्राथमिक उपचारानंतर गौरीगंज जिल्हा रुग्णालयात रेफर केलं. गौरीगंजहून तिला पुढील उपचारांसाठी रायबरेली येथील एम्स येथे पाठवण्यात आलं. सध्या तिच्यावर उपचार सुरू असून तिची प्रकृती गंभीर असल्याचं सांगितलं जात आहे. 

दरम्यान, महिलेची आई पोलिसांना म्हणाली की, "साहेब! माझ्या जावयाला पकडा. त्याने माझ्या मुलीला मारहाण केली आणि तिचं नाक कापलं. त्याला शिक्षा व्हायलाच हवी. त्याच्यामुळे माझी मुलगी रुग्णालयात गंभीर अवस्थेत आहे."

हे ही वाचा: निर्जनस्थळी घेऊन गेला अन् ओढणीने गळा दाबून हत्या! पालघरमध्ये अनैतिक संबंधाच्या संशयातून धक्कादायक घटना...

पोलिसांनी दिलेल्या माहितीनुसार, जखमी महिलेच्या आईने पोलिसात दिलेल्या तक्रारीवरून, आरोपी पती राजेंद्र साहूविरुद्ध गंभीर आरोपांखाली गुन्हा दाखल करण्यात आला आहे. संबंधित घटनेपासून आरोपी फरार आहे आणि त्याला अटक करण्यासाठी पोलिसांचे पथक तयार करण्यात आले आहेत. लवकरच आरोपीला अटक केली जाणार असल्याची माहिती पोलिसांनी दिली.