हे ही वाचा : मंत्र्याच्या बेडरुममध्ये बाहेरची महिला, बायकोने फोटो काढण्याचा प्रयत्न करताच खळबळ, पण 2 दिवसात सगळं मिटलं!

ब्लॅकमेल करुन शोषण

आरोपी विद्यार्थी 2025 पासून सलग अनेक महिने या विद्यार्थिनींचे शोषण करत होता. त्याने मुलींसोबतच्या खाजगी क्षणांचे व्हिडिओ रेकॉर्डिंग केले होते. याचाच वापर करुन तो त्यांना ब्लॅकमेल करायचा. त्यांच्याकडे पैशांची मागणी करायचा. पैसे न दिल्यास व्हिडिओ सोशलम मीडियावर व्हायरल करण्याची किंवा कुटुंबियांना पाठवण्याची धमकी द्यायचा. अखेरीस या छळाला एक मुलगी कंटाळली आणि तिने धाडस करुन ही गोष्ट आपल्या आई-वडिलांना सांगितली. त्यानंतरच या घटनेचा खुलासा झाला.

एका मुलीचा गर्भपात 

मुलीने घडलेला सर्व प्रकार आपल्या आई-वडिलांना सांगितल्यानंतर त्यांनी पोलिसांत तक्रार दाखल केली. पोलिसांनी केलेल्या सखोल तपासात समोर आले की, आरोपीने आणखी दोन अल्पवयीन मुलींचेही लैंगिक शोषण केले आहे. या तीन पीडितांपैकी एक मुलगी आरोपीच्याच कॉलेजमधील असून, इतर दोन मुली वेगवेगळ्या कॉलेजमध्ये शिकत आहेत. आरोपीने ज्या मुलीला गर्भवती केले होते, तिला त्याने गर्भपातासाठी स्थानिक खाजगी रुग्णालयात नेल्याचेही तपासात निष्पन्न झाले आहे.

गर्भपात करणाऱ्या डॉक्टरलाही अटक

या प्रकरणी पोलिसांनी आरोपीच्या एका 22 वर्षीय मित्रालाही अटक केली आहे, कारण त्याच्याच घरी एका पीडितेवर अत्याचार करण्यात आला होता. याशिवाय, अवैध गर्भपात केल्याच्या आरोपाखाली दोन डॉक्टर आणि एका परिचारिकेलाही पोलिसांनी बेड्या ठोकल्या आहेत. नागरकुरनूलचे पोलीस अधीक्षक संग्रामसिंह पाटील यांनी माहिती दिली की, तीन वेगवेगळ्या तक्रारींच्या आधारे हा गुन्हा दाखल करण्यात आला असून, रुग्णालयातील रेकॉर्ड आणि संबंधित कागदपत्रे जप्त करण्यात आली आहेत.

हे ही वाचा : बीड : माणसं आहेत की सैतान? घरात झोपलेल्या विवाहितेला उचलून नेत गावाबाहेर अत्याचार, नंतर चावडीवर बांधून ठेवलं

पॉक्सो अंतर्गत गुन्हा दाखल

आरोपीविरुद्ध पॉक्सो, भारतीय न्याय संहिता आणि आयटी अॅक्टअंतर्गत गुन्हे दाखल केले आहेत. डीएसपी श्रीनिवास यादव यांनी सांगितले की, आरोपीच्या फोनमधून एका पीडितेचा व्हिडिओ जप्त करण्यात आला असून, त्याला सध्या बालसुधारगृहात पाठवण्यात आले आहे. या प्रकरणाचा पुढील तपास पोलीस करत आहेत.