हे ही वाचा : लग्नाला नकार दिल्याने HIV पॉझिटिव्ह तरुणाने सूड उगवला, 'ती' आयुष्यात विसरणार नाही असं केलं कृत्य

2016 मध्ये वृद्धेची हत्या

या थरारक हत्याकांडाची सुरुवात एप्रिल 2016 मध्ये झाली होती. आरोपी आई-मुलीने स्वतःची ओळख कापड व्यापारी म्हणून सांगून कन्नूरच्या इरिककुर भागात कुंजामिना यांच्या घराजवळ एक खोली भाड्याने घेतली होती. अल्पावधीतच त्यांनी कुंजामिना यांचा विश्वास संपादन केला. 30 एप्रिल 2016 रोजी त्यांनी कुंजामिना यांना आपल्या खोलीवर बोलावले आणि त्यांच्यावर चाकूने सपासप वार करून त्यांची निर्घृण हत्या केली. यानंतर कुंजामिना यांच्या अंगावरील सोन्याचे दागिने आणि रोख रक्कम घेऊन या दोघींनी तिथून पळ काढला.

9 वर्षात सहा राज्यात गुन्हेगारी

पोलीस तपासात समोर आले आहे की, या दोघी अत्यंत सराईत गुन्हेगार असून त्यांनी यापूर्वी आंध्र प्रदेशातही अशाच प्रकारचे गुन्हे केले होते. पोलिसांना गुंगारा देण्यासाठी त्या बनावट कागदपत्रांच्या आधारे घरे भाड्याने घेत असत. गुन्हा करण्यापूर्वी त्या स्वतःचे मोबाईल फेकून देत आणि दुसऱ्यांच्या नावावर असलेली सिमकार्डे वापरत असत. गेल्या नऊ वर्षांत त्यांनी केरळसह तेलंगणा, कर्नाटक, गुजरात, राजस्थान आणि उत्तर प्रदेश अशा विविध राज्यांमध्ये आपली ओळख लपवून वास्तव्य केले होते.

हे ही वाचा : तुमच्या फ्रीजवर 'या' वस्तू नाहीत ना? वेळीच सावध व्हा, नाहीतर सुख-समृद्धी गमावून बसाल! वास्तूशास्त्र काय सांगते?

माय-लेकींना सात भाषा अवगत

या दोघींचे सर्वात मोठे वैशिष्ट्य म्हणजे त्यांचे भाषेवर असलेले प्रभुत्व. त्यांना तेलगू, कन्नड, तमिळ, मल्याळम, गुजराती, हिंदी आणि इंग्रजी अशा सात भाषा अवगत होत्या, ज्यामुळे त्या कोणत्याही राज्यात स्थानिक लोकांमध्ये सहज मिसळून जात असत. 2024 मध्ये हे प्रकरण राज्य गुन्हे शाखेकडे सोपवण्यात आल्यानंतर तपासाला वेग आला. पोलीस अधीक्षक पी. बालकृष्णन नायर यांच्या पथकाने तांत्रिक तपासणीच्या मदतीने त्यांना उज्जैनमध्ये शोधून काढले. सध्या या दोघींना पोलीस कोठडी सुनावण्यात आली असून, अधिक चौकशीत आणखी काही गुन्हे उघडकीस येण्याची शक्यता आहे.