मिळालेल्या माहितीनुसार, मृत तरुणीचे नाव प्रियांका होते आणि ती उच्चशिक्षित होती. तिचे वडील उदय भान बिस्वास हे शिक्षण विभागातून निवृत्त झाले असून मूळचे बंगालचे रहिवासी आहेत. नातेवाईकांनी दिलेल्या माहितीनुसार, प्रियांकाचा मृत्यू डिसेंबर 2025 मध्ये आजारपणामुळे झाला होता. मुलीच्या निधनामुळे प्रचंड दु:खात असल्याने आपण घर सोडून निघून गेलो, असा दावा वडिलांनी केला.

प्रकरणाला मिळाले वेगळे वळण

गेल्या चार महिन्यांपासून वडील आणि मुलगी दोघांचाही काहीच पत्ता लागत नव्हता. वारंवार फोन करूनही संपर्क होत नसल्याने नातेवाईक चिंतेत होते. त्यांनी आजूबाजूलाही चौकशी केली, पण काहीच माहिती मिळाली नाही. शुक्रवारी (10 एप्रिल) अचानक या प्रकरणाला वेगळे वळण मिळाले, जेव्हा तरुणीचे वडील मेरठमधील बेगम बाग भागातील एका चहाच्या टपरीवर बसलेले आढळले. त्यांच्या पुतण्याने, विश्वजीतने त्यांना ओळखले आणि इतर नातेवाईकांना बोलावून घेतले. जेव्हा वडिलांना मुलीबद्दल विचारण्यात आले, तेव्हा त्यांनी ती डेहराडूनमधील एका रुग्णालयात दाखल असल्याचे सांगितले.

हे ही वाचा : 'अहो, बॅग पडली..' नवऱ्याने बाईक थांबवली अन् फसला, 23 वर्षीय बायकोने कसा काढला नवऱ्याचा काटा?

सर्वांच्याच पायाखालची जमीन सरकली

मात्र, नातेवाईकांना त्यांच्या बोलण्यावर संशय आल्याने त्यांनी कसून चौकशी केली. त्यानंतर वडिलांनी जे सत्य सांगितले ते ऐकून सर्वांच्याच पायाखालची जमीन सरकली. त्यांनी कबूल केले की मुलीचा मृत्यू चार ते पाच महिन्यांपूर्वीच झाला असून तिचा मृतदेह घरातच पडलेला आहे. या खुलाशानंतर तातडीने 112 क्रमांकावर पोलिसांना पाचारण करण्यात आले. पोलिसांनी घटनास्थळी पोहोचून घराचे कुलूप तोडले आणि आत प्रवेश केला असता, तरुणीचा पूर्णपणे कुजलेला मृतदेह बेडवर पडलेला दिसला. घरामध्ये कचरा आणि रद्दीचा खच पडला होता आणि मृतदेहाचा तीव्र दुर्गंध येत होता.

हे ही वाचा : इन्स्टाग्रामवर कमेंट करणं महागात, डोक्यात विटा घालून तरुणाची हत्या; धक्कादायक प्रकरण

दुर्गंधी लपवण्यासाठी परफ्यूमचा वापर

पोलिसांच्या माहितीनुसार, खोलीत काही परफ्यूम स्प्रे देखील सापडले आहेत, ज्यावरून दुर्गंधी लपवण्याचा प्रयत्न केला असावा अशी शक्यता वर्तवण्यात येत आहे. मात्र, याबाबत अद्याप कोणताही अधिकृत दुजोरा देण्यात आलेला नाही. वडिलांनी सुरुवातीला सांगितले होते की, मुलीला कावीळ झाली होती आणि तिच्यावर जादूटोणा व तंत्र-मंत्राद्वारे उपचार केले जात होते, ज्या दरम्यान तिचा मृत्यू झाला. पोलिसांनी मृतदेह ताब्यात घेऊन पोस्ट मार्टमसाठी पाठवला असून वडिलांना ताब्यात घेऊन त्यांची चौकशी सुरू केली आहे. या घटनेमुळे संपूर्ण परिसरात खळबळ उडाली असून नागरिकांमध्ये विविध चर्चांना उधाण आले आहे.