हे ही वाचा : विवाहित प्रेयसीने मध्यरात्री घरी भेटायला बोलवलं... पण सकाळी 'त्या' अवस्थेत आढळला तरुणाचा मृतदेह!

पैसे आणि वादातून कृत्य

शनिवारी (28 फेब्रुवारी) गुप्त माहितीच्या आधारे पोलिसांनी पप्पूला अटक केली. चौकशीदरम्यान आरोपीने आपला गुन्हा कबूल केला आहे. पप्पूने सांगितले की, तो आणि बबलू एकत्र मजुरीचे काम करायचे. घटनेच्या रात्री दोघांमध्ये पैशांच्या व्यवहारावरून कडाक्याचे भांडण झाले. संतापलेल्या पप्पूने जवळच असलेला हातोडा उचलून बबलूच्या डोक्यात घातला. वार वर्मी लागल्याने बबलू रक्ताच्या थारोळ्यात कोसळला. तो काहीच हालचाल करत नाही हे पाहून घाबरलेल्या पप्पूने त्याच्या अंगावर ब्लँकेट टाकले आणि खोलीला बाहेरून कुलूप लावून तो पसार झाला. पोलीस आपल्याला पकडू शकणार नाहीत या अविर्भावात तो परिसरातच फिरत होता, मात्र पोलिसांनी तांत्रिक तपासाच्या आधारे त्याला बेड्या ठोकल्या.

पोलिसांनी काय सांगितले?

पोलीस उपअधीक्षक नीरज सेमवाल यांनी दिलेल्या माहितीनुसार, 26 फेब्रुवारी रोजी पोलिसांना धारकोट येथील नीम करोली मंदिराजवळ एका अर्धवट बांधलेल्या घरात एक व्यक्ती बेशुद्ध अवस्थेत पडल्याची माहिती मिळाली होती. पोलिसांनी तत्काळ घटनास्थळी धाव घेत त्या व्यक्तीला रुग्णालयात दाखल केले, मात्र डॉक्टरांनी त्याला मृत घोषित केले. बबलू असे मृत गवंड्याचे नाव आहे.

हे ही वाचा : घरात घुसून वहिनीवर चाकूने वार केले अन् काही तासांतच झाडाला लटकलेल्या अवस्थेत दिराचा मृतदेह... नेमकं काय घडलं?

पोस्टमार्टममधून हत्येचा खुलासा

सुरुवातीला ही घटना नैसर्गिक मृत्यू वाटत असली तरी, पोस्ट मार्टम अहवालात बबलूच्या डोक्यावर गंभीर दुखापत झाल्याचे आणि त्याची हत्या झाल्याचे स्पष्ट झाले. त्यानंतर मृताचा भाऊ प्रमोद कुमार याने बबलूचा साथीदार पप्पू साहनी याच्याविरुद्ध संशय व्यक्त करत पोलिसांत तक्रार दाखल केली. पोलिसांनी तत्काळ पथके तयार करून आरोपीचा शोध सुरू केला आणि त्याला अटक केली.