हे ही वाचा : बायकोला साधूसोबत आक्षेपार्ह अवस्थेत बघितले, नवऱ्याने कुऱ्हाडीने वार करत साधूला संपवले; 'अशी' लावली मृतदेहाची विल्हेवाट

नकाराची जुनी खुन्नस

पोलीस तपासात या हत्येमागील धक्कादायक कारण समोर आले आहे. मृत करिश्मा (20) हिचा विवाह चार महिन्यांपूर्वीच दीपकचा मोठा भाऊ प्रमोद याच्याशी एका सामूहिक विवाह सोहळ्यात झाला होता. याच सोहळ्यात करिश्माची बहीणदेखील उपस्थित होती. त्यावेळी दीपकसाठी करिश्माच्या बहिणीला विचारणा करण्यात आली होती, मात्र तिने दीपकला नाकारले होते. हा नकार दीपकच्या जिव्हारी लागला होता. करिश्माने प्रमोदला पसंत केले पण तिच्या बहिणीने आपल्याला नाकारले, याच रागातून तो आपल्या वहिनीचा द्वेष करु लागला होता.

ब्लेडने गळा चिरला 

रविवारी (15 फेब्रुवारी) सकाळी घरात कोणात्यातरी कारणावरुन दीपक आणि करिश्मा यांच्यात वाद झाला. हा वाद इतका विकोपाला गेला की, रागाच्या भरात दीपकने ब्लेडने करिश्माचा गळा चिरला. करिश्माला रक्ताच्या थारोळ्यात तडफताना पाहून दीपक घाबरला आणि त्याने स्वतःजवळ असलेल्या ब्लेडने स्वतःचाही गळा कापून घेतला. घरातील लोकांनी दोघांनाही तातडीने रुग्णालयात नेले, मात्र वाटेतच करिश्माचा मृत्यू झाला. दीपकची प्रकृती चिंताजनक असल्याने त्याला जिल्हा रुग्णालयात हलवण्यात आले आहे.

हे ही वाचा : 2 मुलांच्या आईवर तरुणाचं एकतर्फी प्रेम... शेवटी, वैतागलेल्या महिलेने आई-वडिलांसोबत मिळून काढला काटा!

पुरावे नष्ट करण्याचा प्रयत्न

पोलिसांनी सांगितले की, घटनास्थळाची पाहणी केली असता आरोपीने पुरावे नष्ट करण्याचा प्रयत्न केल्याचे आढळून आले आहेत. मृत करिश्माच्या माहेरच्या लोकांनी दिलेल्या तक्रारीनुसार, दीपकविरुद्ध हत्येचा आणि पुरावे नष्ट करण्याचा प्रयत्न केल्याप्रकरणी गुन्हा दाखल करण्यात आला आहे. अवघ्या चार महिन्यांपूर्वी ज्या घरात लग्नाचे सनई-चौघडे वाजले होते, त्याच घरावर दिराच्या क्रूरतेमुळे दु:खाचा डोंगर पसरला आहे.