अभिनेते महेश मांजरेकर यांच्या पहिल्या पत्नीचं निधन, मुलाची इन्स्टाग्रामवर इमोशनल पोस्ट

हेही वाचा : कर्णकर्कश डीजेविरोधात पुण्यात जनआंदोलन उभं करु, मेधा कुलकर्णी कडाडल्या; गरब्याच्या कार्यक्रमाबाबतही स्पष्टीकरण

दीपा मेहता यांनी फॅशन डिझायनर म्हणून मिळवली होती ओळख 

दीपा मेहता या महेश मांंजरेकर यांच्या पहिल्या पत्नी होत्या. दीपा आणि महेश मांंजरेकर यांचे लग्न 1987 साली झाले होते. मेहता यांनी फॅशन डिझायनर म्हणून वेगळी ओळख निर्माण केली होती. त्यांच्याकडून साड्यांचा ब्रँड देखील चालवला जात होता. दीपा मेहता यांच्या कन्या अश्वमी या देखील  देखील मॉडेलिंग आणि सिनेक्षेत्रात नशीब आजमावत आहेत. दीपा मेहता यांना सत्या मांजरेकर आणि अश्वमी मांजरेकर ही दोन मुलं आहेत. मात्र, नंतरच्या काळात महेश मांजरेकर आणि दीपा मेहता यांचा घटस्फोट झाला होता. मात्र, महेश मांजरेकर यांची दोन्ही त्यांच्या आईसोबतच राहात होती. महेश मांजरेकर यांनी दुसरा विवाह मेधा यांच्याशी केला होता. सई मांजरेकर ही मेधा यांची मुलगी आहे. ती देखील सिनेक्षेत्रात सक्रिय असल्याचं पाहायला मिळतं. 

हेही वाचा : कर्णकर्कश डीजेविरोधात पुण्यात जनआंदोलन उभं करु, मेधा कुलकर्णी कडाडल्या; गरब्याच्या कार्यक्रमाबाबतही स्पष्टीकरण

दीपा मेहता यांच्या निधनानंतर कलाकारांनी व्यक्त केलं दु:ख 

दीपा मेहता यांच्या निधनानंतर बिग बॉस फेम अंकिता वालावलकर हिने इन्स्टाग्रामवर पोस्ट करत दु:ख व्यक्त केलं आहे. तिने लिहिलं की, "त्या केवळ आई नव्हत्या. माझ्यासाठी आणि अनेकांसाठी प्रेरणास्थान होत्या. त्यांनी अनेक मुलींना मोठी स्वप्न पाहायला शिकवलं." दरम्यान, सिनेक्षेत्रातील अनेक कलाकारांनी देखील दीपा मेहता यांच्या निधानानंतर दु:ख व्यक्त केलं आहे.