अभिनेता अंकित मोहन साकारणार ‘बाबू’ शेठ

हँडसम आणि डॅशिंग अभिनेता अंकित मोहन ‘बाबू’ या सिनेमात मुख्य भूमिका साकारणार आहे. या पोस्टरमध्ये अंकितच्या लूकने अभिनेत्याबद्दल असलेली प्रेक्षकांची उत्सुकता तर कमी केली, मात्र त्याचा हा लुक पाहून आता सिनेमाबद्दल प्रेक्षकांची उत्सुकता अधिकच वाढलीये. हा सिनेमा कधी रिलीज होणार याकडे सर्वांचं लक्ष लागलंय.

नुकताच या सिनेमाचा मुहूर्त मुंबईमध्ये संपन्न झाला. यावेळी या सिनेमातील अंकितच्या लूकचं नवीन पोस्टर देखील प्रदर्शित करण्यात आलं. या मुहुर्तावेळी गायत्री दातार, रुचिरा जाधव, दिग्दर्शक मयूर मधुकर शिंदे, निर्माता बाबू के. भोईर यांच्यासह चित्रपटाची संपूर्ण टीम हजर होती.

अंकितने यापूर्वी अनेक ऐतिहासिक मराठी चित्रपटांमध्ये काम केले आहे. शिवाय त्याने हिंदी मालिकांमध्ये भूमिका केल्या आहे.